Матлуботчиёни вилояти Суғд барои бемамоният ва самарабахш гузаронидани фаслҳои тирамоҳу зимистони солҳои 2014 – 2015 — 5864 тонна сабзавот, 3976 тонна картошка, 609 тонна меваи тару тоза, 755 тонна маҳсулоти полезӣ ва 1177 тонна маҳсулоти ғаллагӣ захира намуданд.

Дар ин бора раиси Иттифоқи ҷамъиятҳои матлуботи вилоят Яъқуб Игамбердиев зимни нишасти хабарӣ иттилоъ дод.

Ба иттилои Я. Игамбердиев матлуботчиёни вилоят оид ба содироти маҳсулоти кишоварзӣ ба хориҷа низ корҳои назаррасро ба анҷом расонида, ба кишварҳои Қазоқистон, Қирғизистон, Эрон, Ироқ, Туркия, Русия ва Туркманистон ба миқдори 2094 тонна пиёз, 143 тонна меваи тар, 1943 тонна меваи хушк, 510 тонна сабзавот, дар маҷмӯъ 4690 тонна маҳсулоти кишоварзӣ содирот намуданд.

Ҳамзамон дар гармхонаҳои Иттифоқи матлуботи вилоят ба миқдори 40 тонна сабзавот ба маблағи 113 ҳазор сомонӣ истеҳсол карда шудааст. Дар ин бора sugd.tj хабар медиҳад.