Азнавсозии бехатарӣ барои Windows 10 ба шикастёбии система ва намоиши ташвишовари «экрани кабуди хомӯшшаванда» оварда расонид. Тахмин карда мешуд, ки навсозӣ наздики 60 камбудиву нуқсонҳоро аз байн мебарад, ки баъзеашон хеле «хатарноканд». Бо вуҷуди ин, навгардонӣ дар бисёр компютерҳо ба шакли автоматикӣ ба роҳ монда мешуданд.
Шаби гузашта ширкат навсозии KB4041676-ро барвард, ки пас аз он истифодабарандагон аз даврзании беохири зеркашӣ ва пайдоиши «экрани кабуди хомӯшшаванда» ба шикоят кардан оғоз намуданд. Система паёмаки INACCESSIBLE BOOT DEVICE-ро медиҳад, ки пас аз он ба таври автоматикӣ амали азнавзеркашӣ ба вуҷуд меояд. Истифодабарандагон дар бораи «шикастёбӣ»-и як қатор компютерҳо дар шабакаи ягона хабар доданд.
Экспертон муайян намуданд, ки ба ин таҳдид пеш аз ҳама системаҳои дастгирикунандаи интерфейси USB Type-C System Software Interface (USCI) гирифтор мешаванд. Бино бар ин пеш аз азнавсозӣ ба системаи BIOS гузашта, UCSI-ро хомӯш кардан лозим будааст. Аммо баъзе истифодабарандагон дар бораи мавҷудияти ин гуна проблема дар системаҳои бе USB Type-C низ хабар додаанд.
Истеҳсолгар иброз намуд, ки аллакай ин проблемаро ислоҳ намуд ва гуфт, ки он ба истифодабарандагоне, ки тавассути Маркази азнавсозии Windows азнавсозиро дастрас кардаанд, таҳдид накардааст. Инчунин намояндагони ширкат гуфтанд, ки проблемаи мазкур танҳо истифодабарандагони ташкилотиро фаро гирифтааст.
Моҳи июн мо навишта будем, ки азнавсозии нави Windows 10 ба аздастдиҳии маълумоти асосӣ оварда мерасонад. Он вақт пайвандсози санҷишии Windows 10 16212 барои Windows Insiders тасодуфан ба доираи истифодабарандагони муқаррарӣ роҳ ёфта, дастгоҳҳои мобилии Windows 10-ро барои воридшавӣ ба даври беохирӣ зеркашӣ маҷбур сохта буд. Роҳи ягонаи барқарор кардани кори дастгоҳ ин пурра нест кардани ҳамаи файлҳо ва ба сифр расонидани роҳандозиҳо мебошад.
Нет комментариев