Дар доираи бозиҳои интихобии Чемпионати Осиё-2018 миёни мунтахабҳои то 19 сола, тими миллии Тоҷикистон ғалабаи дуюми худро бар ҳамсолонашон аз Малдив ба қайд гирифтанд. Вохӯрии навбатии футболбозони 19 солаи тоҷик бо рақибашон дар Варзишгоҳи марказии шаҳри Ҳисор сурат гирифта, бо ҳисоби калони 5:0 ба суди соҳибони майдон ба анҷом расид. Баъд аз ин ғалаба мунтахаби то 19 солаи кишвари мо бо касби 7 имтиёз дар гурӯҳи “В” баъд аз тими миллии Ӯзбекистон мавқеъ гирифт. Бозии тақдирсози гурӯҳи мазкур ин рақобатҳои ду мунтахаби пешсаф Ӯзбекистон ва Тоҷикистон хоҳад шуд, ки баргузории он рӯзи 8-уми ноябр дар Варзишгоҳи марказии шаҳри Ҳисор дар назар аст.
Чемпионати Осиё-2018 миёни ҷавонони то 19 сола
Тоҷикистон – Малдив – 5:0
Голҳо: Шервони Мабатшоев, 14 (1:0). Эҳсони Панҷшанбе, 45+1 (2:0). Шериддин Бобоев, 73 (3:0). Шервони Мабатшоев, 80 (4:0). Шаҳром Самиев, 88 (5:0).
Тоҷикистон: Шоҳрух Қиргизбоев, Хувайдо Малиев, Ваҳдат Ҳанонов, Султоншо Мирзоев, Манучеҳр Сафаров, Шервони Мабатшоев, Саидмухтор Азимов (Абдулмумин Забиров, 80), Шарафҷон Солеҳов (Шериддин Бобоев, 46), Сорбон Авгонов (Умарҷон Шарипов, 55), Эҳсони Панҷшанбе, Шаҳром Самиев.
Манбаъ: сомонаи расмии телевизиони «Варзиш»
Нет комментариев