Дар бозии мавқуфгузошташудаи даври 32-юми чемпионати Англия дастаҳои “Манчестер Юнайтед” ва “Челси” ба ҳам омаданд. Вохӯрии дастаҳо дар варзишгоҳи “Олд Траффорд”-и шаҳри Манчестер дар ҳузури 73 561 нафар мухлис доир шуда, бо ҳисоби 4 бар 1 ба суди мизбонон хотима ёфт.
Голҳоро дар ин вохӯрӣ Каземиро, Антони Марсял, Бруно Фернандеш, Маркус Рэшфорд ва Жоау Феликс ба самар расониданд.
Пас аз ин пирӯзӣ дастпарварони Эрик тен Ҳаг ба зинаи сеюми ҷадвали мусобиқот баромаданд ва роҳхати Лигаи Чемпионҳоро барои мавсими нав ба даст оварданд. Ҳоло “Девҳои сурх” бо 72 имтиёз мавқеи “Нюкасл”-ро дар ҷадвали мусобиқот ишғол карданд. “Нюкасл” бо 70 имтиёз дар зинаи 4-ум мавқеъ гирифтааст. “Челси” бо 43 имтиёз дар зинаи 12-ум аст.
Дар даври охири ПЛА дастаи “Манчестер Юнайтед” дар мизбонӣ бо “Фулхэм” майдондорӣ мекунад. “Челси” дар шаҳри Лондон бо “Нюкасл” бозӣ мекунад.
Манбаъ: Варзиш-ТВ
Нет комментариев