Донишгоҳи давлатии омӯзгории Тоҷикистон ба номи Садриддин Айнӣ дар самти корҳои илмӣ-таълимӣ бо Донишгоҳи техникии Панҷоби Ҷумҳурии Ҳиндустон ҳамкорӣ менамояд. Дар ин хусус зимни мулоқоти Ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода бо Ректори Донишгоҳи техникии Панҷоби Ҷумҳурии Ҳиндустон доктор Кнс Канг, ки дар Душанбе баргузор гардид, иттилоъ дода шуд.
Тавре ба АМИТ «Ховар» дар Донишгоҳи давлатии омӯзгории Тоҷикистон ба номи Садриддин Айнӣ иттилоъ доданд, дар мулоқот ҷонибҳо баҳри бастани шартномаи ҳамкорӣ ба тавофуқ расида, дар бораи таҳсили донишҷӯёни ихтисосҳои технологияи информатсионӣ, сайёҳат ва меҳмондорӣ ва таҷрибаомӯзии омӯзгорону донишҷӯён табодули назар намуданд.
Намояндагони Донишгоҳи техникии Панҷоби Ҳиндустон аз синфхонаҳои дӯзандагӣ, устохонаи коркарди чўбу тахта, технологияи мошиншиносӣ ва дуредгариву кандакорӣ, қолинбофиву атласбофии факултети технология, озмоишгоҳҳои таҳқиқотӣ ва осорхонаҳои биологиву зоологии факултети биология боздид намуданд.
Манбаъ: АМИТ «Ховар»
Нет комментариев