Дар Кохи Рӯдакии маркази вилоят мулоқоти раиси ноҳияи Ҷаббор Расулов Комил Салимзода бо донишҷӯён баргузор гардид. Зимни суҳбат бо донишҷӯён Комил Салимзода қайд намуд, ки Пешвои миллат муҳтарам Эмомалӣ Раҳмон нисбати таҳсили ҷавонон таваҷҷуҳи махсус зоҳир менамоянд ва дар ин замина шароитҳои зарурӣ муҳайё карда шудааст. Аз ин лиҳоз, донишҷӯёнро зарур аст, ки бо рафтори намунавӣ таҳсил намуда, илмҳои замонавиро азхуд намоянд. Бахшида ба Соли ҷавонон ва бо мақсади дастгирии қишри ниёзманд ба 30 донишҷӯе, ки аз оилаҳои камбизоат ҳастанд, кӯмаки яквақтаина дар ҳаҷми 100 сомонӣ расонида шуд. Ёдовар бояд шуд, ки айни замон дар муассисаҳои таҳсилоти олӣ ва миёнаи касбии маркази вилоят 2467 нафар ҷавонони ноҳия таҳсил мекунанд.
Манбаъ: сомонаи расмии МИҲД-и вилояти Суғд
Нет комментариев