«ПСЖ» аввалин пешниҳод оиди харидории ҳамлавари «Наполи» Виктор Осимхенро ба Италия ирсол намуд.
Чӣ тавре рӯзномаи неаполитании Il Mattino иттилоъ медиҳад, парижиҳо баҳри ҳамлавари нигериявӣ 110 миллион евро пешниҳод кардаанд, амм ин маблағ «Наполи»-ро қаноатманд намесозад. Агенти Осимхен Роберто Календа медонад, ки бар ивази чунин маблағ бозигар аз даста ҷавоб дода намешавад. То ҳол «ПСЖ» ният надорад, ки талаботи «Наполи»-ро қонеъ намояд.
«ПСЖ» омодаи пешниҳоди шартнома бо маоши солонаи 12 млн евро ба Осимхен аст. Айни ҳол худи ҳамлавар баҳри рафтан аз «Наполи» шитобон нест. Дар тими итолиявӣ интизор доранд, ки «ПСЖ» метавонад пешниҳоди дигаре намояд, зеро барои рафтани Осимхен аз даста мӯҳлат гузошта нашудааст.
Календа умед дорад, ки «ПСЖ» боз як пешниҳоди дигари беҳтаре ирсол мекунад. Ҳамзамон қайд карда мешавад, ки Луис Энрике муштоқи пазироии Осимхен аст.
Дар мавсими қаблӣ ҳамлавари 24-сола ба задани 31 голу ирсоли 4 партофти голӣ дар 39 бозиҳои «Наполи» даст ёфтааст.
Манбаъ: Варзиш-Тв
Нет комментариев