http://matrix-ca.tv/

Хакерҳо суроғаҳои почта ва рамзҳои 20 миллион истифодабарандагони сомонаи шиносоии русиягии Topface-ро дуздидаанд. Дар ин бора Bloomberg бо ишора ба намояндаи ширкати Easy Solutions, ки ПО (таъминоти барномавӣ)-и зиддихакерӣ истеҳсол мекунад, хабар додааст.

Дар гузориши қаблиаш Bloomberg, дар бораи 20 миллион нишонаҳои сабтшуда, ки дуздида шудаанд хабар дода буд. Лекин, баъдтар Даниэл Ингевалдсон, директори техникии Easy Solutions изҳор намуд, ки дуздида шудани номҳои махфӣ (пароль)  бо дигар маълумотҳо, ҳоло тасдиқ нагардидааст.

Ҳакерҳо  маълумотҳои аз сомона дуздидашударо мехоҳанд барои ба даст овардани суратҳисоби бонкӣ ва дигар маълумотҳои муҳими қурбониёни дар реҷаи онлайн қарордошта, истифода баранд.  Агентӣ  натавонист ақидаҳои намояндагони Topface- ро ба даст орад. Зеро дархости рӯзноманигорон ҳоло баррасӣ нагардидааст.

Бино ба маълумоти Bloomberg, қариб нисфи сабтҳо, ки ба дасти ҷинояткорон афтодааст, ба  шаҳрвандони Русия, 40% дигар бошад, ба сокинони Иттиҳоди Аврупо тааллуқ доранд. Ҳамагӣ дар  манбаи дуздидашуда, ки дар шаҳри Санкт-Петербург воқеъ гардидааст, суроғаи электронии 345.000 доменҳои гуногун мавҷуд аст. 7 миллион қурбониён аз почтаи электронӣ истифода мебаранд, ки дар хизматгузории Hotmail.com , 2,5 млн дар Yahoo.com , 2.3 миллиони дигар ба Gmail сабти ном шудаанд.

Сарчашма: matrix-tv.tj