Раёсати Кумитаи ҳолатҳои фавқулодда ва мудофиаи гражданӣ дар вилояти Суғд тибқи маълумоти агентии обуҳавоҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ба таваҷҷӯҳи сокинон ва меҳмонони вилоят мерасонад, ки санаҳои 18-19 январ дар ҷумҳурӣ ҳавои ноустувор боқӣ мемонад дар минтақаҳои кӯҳӣ амал омадани яхбанбандиҳо фаромадани туман дар роҳҳо ва ағбаҳо, дар қисмати кӯҳии роҳҳо ҷамъшавии барфҳо ҳамзамон эҳтимолияти афтиши барф дар назар дошта шудааст. Дар ҳамин иртибот Раёсати Кумитаи ҳолатҳои фавқулодда ва мудофиаи гражданӣ дар вилояти Суғд хоҳиш менамояд, шахсоне, ки мехоҳанд ба сафар бароянд, мошинҳои худро бо таҷҳизоти зарурии мутобиқ ба шароитҳои бориши барф таъмин созанд, яъне чархҳои автомошинаҳои худро ба чархҳои зимистона иваз намуда, занҷирпеч намоянд, бо худ занҷирҳои эҳтиётӣ бигиранд, ҳангоми ҳаракат дар шоҳроҳҳо басо зарур аст, ки фосилаи ҳаракати мошинҳоро ҷиддан риоя кунанд, махсусан ҳангоми гузаштан аз нуқтаҳои хатарнок хеле ҳушёру эҳтиёткор бошанд, ҳаёти худ ва ҳамроҳони худро зери хатар нагузоранд!
Ҳангоми гаштугузор дар кӯчаву хиёбонҳо ҳушёриву зиракиро аз даст надиҳанд, фарзандони ноболиғи худро назорат кунанд, зеро бар асари вазидани шамоли сахт канда шудани хатҳои интиқоли барқ, шитҳои рекломҳо ва шикастани дарахтон осеб диданашон аз эҳтимол дур нест;
Аз шаҳрвандоне, ки дар минтақаҳои кӯҳӣ истиқомат мекунанд хоҳиш карда мешавад, ки муваққатан аз қабили корҳои чаронидани чорво, ҷамъ намудани ҳезум ва шикор худдорӣ намоянд;
Бо фармони Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон барои таъмини бехатарии аҳолӣ дар роҳи Душанбе-Хуҷанд-Чаноқ дар километри 62 постгоҳи навбатдорӣ ташкил карда шудааст, ҳангоми зарурат шаҳрвандон метавонанд муроҷиат намоянд.
Дар охир аз ҳамаи шаҳрвандон даъват менамоем, ки агар шумо шоҳиди ҳолати нохуш ва ё дигар ҳодисаҳои фавқулодда шудед, фавран бо рақами (8-34-22)-5-15-55, 93-880-28-57 дар тамос шавед, дар Раёсат навбатдории шабонарӯзӣ фаъолият мебарад, дастаи махсуси зудамали наҷотдиҳӣ бо техникаву таҷҳизотҳои наҷотҷиҳӣ барои кӯмаку имдоди мардум дар ҳолати омодабош қарор доранд.
Манбаъ: Раёсати Кумитаи ҳолатҳои фавқулодда ва мудофиаи гражданӣ дар вилояти Суғд
Нет комментариев