Палатаи ҳисоби Ҷумҳурии Тоҷикистон беш аз 171 миллион сомонӣ зарари молиявиро муайян намуд, ки ин маблағ зимни гузаронидани қариб 350 санҷиши аудиторӣ дар соли сипаригардидаи 2017 дар вазорату идораҳо, субеъктҳои хоҷагидории давлатӣ, Марказ ва гурӯҳҳои татбиқи лоиҳаҳои давлатии сармоягузорӣ, бонкҳо ва дигар муассисаҳои буҷетӣ ошкор гардид. Дар ин хусус муовини раиси Палатаи ҳисоби Ҷумҳурии Тоҷикистон Заъфар Азимӣ 22 январ зимни натиҷагирӣ аз фаъолияти ин мақомоти олии назорати молиявӣ дар ҷамъи хабарнигорон дар Душанбе гузориш дод. Мавсуф гуфт, ки аз зарари молиявии ошкоргардида хароҷоти ғайриқонунии пулию молӣ 8,6 миллион сомонӣ, камомад ва тасарруфи воситаҳои пулию молӣ 4,7 миллион сомонӣ, изофанависӣ дар корҳои таъмиру сохтмонӣ 15 миллион сомонӣ, зарар аз фурӯш ва иҷораи амволи давлатӣ 65,5 миллион сомонӣ, талафи воситаҳои пулию молӣ 18,3 миллион сомонӣ ва маблағҳои кам ҳисобгардида ва рӯйпӯшнамудаи андозҳо 59,3 миллион сомониро ташкил медиҳанд. Ҳамзамон таъкид гардид, ки соли гузашта бо мақсади истифодаи самаранок ва мақсадноки маблағҳои буҷетӣ санҷиши иҷрои буҷетҳои маҳаллии 12 шаҳру ноҳияҳои ҷумҳурӣ ба анҷом расонида шуд, ки дар раванди он 274 ташкилоту муассисаҳои буҷетӣ мавриди санҷиши аудиторӣ қарор гирифта, ба маблағи 13,6 миллион сомонӣ зарари молиявӣ муайян карда шуд. Бояд тазаккур дод, ки Палатаи ҳисоби Ҷумҳурии Тоҷикистон мақоми олии назорати молиявии Ҷумҳурии Тоҷикистон буда, соли 2011 дар асоси Фармони Президенти Ҷумҳурии Тоҷикистон Эмомалӣ Раҳмон таъсис дода шудааст.
Манбаъ:сомонаи расмии АМИТ «Ховар»
Москва-Ситиро муҳоҷирони меҳнатии тоҷик сохта буданд
Садои сохтмон дар Тоҷикистон аз ҷумла дар шаҳри Душанбе чанд сол инҷониб давом мекунад ва онҳое, ки дар бунёди иншооти Душанбе хоҳиши кор кардан доранд, ...
Нет комментариев