Аз санаи 1 марти соли 2018 дар вилояти Суғд бо мақсади вусъат бахшидан ба корҳои созандагию бунёдкорӣ, ободонию кабудизоркунии маҳалли зист ва сазовор пешвоз гирифтани 30-солагии Истиқлолияти давлатии Ҷумҳурии Тоҷикистон 1300 рӯзи меҳнати зарбдор эълон гардид.
Дар ин бора қарори Раиси вилояти Суғд аз 14 марти соли 2018, №89 ба тасвиб расид.
Тибқи ин қарор воҳидҳои сохтории мақомоти иҷроияи ҳокимияти давлатии вилоят ва раисони шаҳру ноҳияҳо вазифадор карда мешаванд, ки тибқи нақшаи чорабиниҳои баргузории ҷашни 30–солагии Истиқлолияти давлатии Ҷумҳурии Тоҷикистон бо мақсади вусъат бахшидан ба корҳои созандагию бунёдкорӣ, ободонию кабудизоркунӣ, таъмиру тармими биноҳои маъмурию истиқоматӣ, кӯчаву хиёбонҳо, гулгашту боғҳои фароғатию мавзеъҳои истироҳатӣ, инчунин тоза кардани маҳалли зист аз партовҳо, бо назардошти гузаронидани ҳашарҳои умумихалқӣ бо иштироки васеи ҷомеаҳои меҳнатии корхонаҳо, ташкилоту муассиса, хоҷагиҳо ва шаҳрвандон чораҳои заруриро амалӣ намоянд.
Манбаъ: Хадамоти матбуоти Раиси вилояти Суғд
Нет комментариев