Бо мақсади иҷрои дастуру супоришҳои Асосгузори сулҳу Ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон дар Паёми худ ба Маҷлиси Олӣ оид ба таъмини зиндагии шоистаи мардум ва нишондодҳои Раиси вилояти Суғд Раҷаббой Аҳмадзода шоми дирӯз нахустин корҳои таҷдиду азнавсозии роҳҳо дар шаҳри Хуҷанд оғоз гардид.
Раиси шаҳри Хуҷанд Маъруф Муҳаммадзода аз рафти корҳои мумфаршкунии роҳ дар кӯчаи ба номи 60 солагии Октябр аз наздик шинос гардида, ба роҳсозон баҳри сифатан беҳтар кардани корҳо дастуру супоришҳо дод. Бояд қайд намуд, ки ин кӯча 3, 5 километр дарозӣ дорад ва он ба пуррагӣ мумфарш карда мешавад.
Бино ба таъкиди роҳбари КД «Истифодабарии роҳҳо»-и шаҳри Хуҷанд Салим Юнусов ин оғози корҳои мумфаршкунӣ дар соли 2018 буда, то охири сол беш аз 30 километр роҳҳои дохилии шаҳр мумфарш карда мешавад.
Манбаъ: Дафтари матбуоти Раиси шаҳри Хуҷанд
Нет комментариев