Созмони иттифоқҳои касабаи вилояти Суғд мегӯяд, имсол ҳудуди 400 донишҷӯ ва мактабхонҳои тоҷикро барои кори мавсимӣ дар бахшҳои сохтмону кишоварзӣ ва таҷрибаомӯзӣ ба Русия сафарбар мекунанд.
Масъулони ин ниҳод мегӯянд, солҳои шӯравӣ масъулони ин созмон ҳарсола ҳазорон донишҷӯён ва мактабхонҳои тоҷикро дар ҳайъати ба истилоҳ — “гурӯҳҳои сохтмонӣ” ё “стройотряд” дар давраи таътили тобистона ба Русия мебурданд ва ҳоло талош доранд ин анъанаи шӯравиро дубора зинда кунанд.
Масъулони созмони иттифоқҳои касабаи Суғд мегӯянд, имсол ба корҳои мавсимӣ ва таҷрибаомӯзӣ бурдани донишҷӯёну мактабхонҳои тоҷик тақрибан ниҳоӣ шудааст. Насимҷон Аҳмадов, раиси иттифоқи касабаи бахши сохтмон гуфт, аз раиси вилояти Волгогради Русия даъватномаи расмӣ гирифтанд, ки дар он омодагии худро барои қабули ҳудуди 400 донишҷӯ ва мактабхонҳои тоҷик барои корҳои мавсимӣ дар тобистон изҳор доштаанд.
Манбаъ: Сомонаи расмии Тоҷикистонтаймс
Нет комментариев