Мирзоқосим Каримзода сардори Раёсати кор бо ҷавонон ва варзиши вилояти Суғд таъин гардид.
Бо Фармоиши Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз 12 апрели соли равон Мирзоқосим Каримзода сардори Раёсати кор бо ҷавонон ва варзиши вилояти Суғд таъин шуд.
Мирзоқосим Каримзода 17 сентябри соли 1984 таваллуд шудааст. Миллаташ тоҷик, маълумоташ олӣ. Солҳои 2006 ва 2011 Донишгоҳи давлатии ҳуқуқ, бизнес ва сиёсати Тоҷикистонро бо ихтисосҳои муносибатҳои байналхалқӣ ва ҳуқуқшинос хатм кардааст.
Мавсуф аз соли 2004 то инҷониб дар вазифаҳои мутахассиси Идораи кор бо ҷавонони вилояти Суғд, омўзгори кафедраи муносибатҳои байналхалқии Донишгоҳи давлатии ҳуқуқ, бизнес ва сиёсати Тоҷикистон, ходими илмии Маркази илмӣ-тадқиқотӣ ва методии «Тоҷикистон: таърих, сиёсат, замони муосир»-и Донишгоҳи давлатии ҳуқуқ, бизнес ва сиёсати Тоҷикистон, дотсенти кафедраҳои таърихи халқи тоҷик ва муносибатҳои байналхалқии Донишгоҳи давлатии ҳуқуқ, бизнес ва сиёсати Тоҷикистон фаъолият бурда, солҳои 2014-2018 вазифаи мудири шӯъбаи рушди иҷтимоӣ ва робита бо ҷомеаи дастгоҳи раиси шаҳри Хуҷандро бар уҳда дошт.
Абдумаҷид Раҳимов мудири шӯъбаи рушди сайёҳӣ таъин шуд.
Бо қарори Раиси вилояти Суғд аз 16 апрели соли 2018 Абдумаҷид Раҳимов мудири шӯъбаи рушди сайёҳии Мақомоти иҷроияи ҳокимияти давлатии вилояти Суғд таъин гардид.
Абдумаҷид Раҳимов соли 1984 таваллуд шудааст. Миллаташ тоҷик, маълумоташ олӣ. Соли 2008 филиали хуҷандии Донишгоҳи технологии Тоҷикистонро бо ихтисоси технолог хатм кардааст. Солҳои 2008 – 2009 дар вазифаи мутахассиси бахши ташкилии Раёсати кишоварзии вилоят фаъолият бурда, аз соли 2009 то соли 2018 дар вазифаҳои мутахассиси пешбар ва сармутахассиси шӯъбаи энергетика ва саноати Мақомоти иҷроияи ҳокимияти давлатии вилоят кор кардааст.
Манбаъ: Хадамоти матбуоти Раиси вилояти Суғд
Нет комментариев