Дар ширхоргоҳ-кӯдакистони рақами 40 шаҳри Хуҷанд озмуни шаҳрии «Донояк» баргузор гардид ва ғолибон муайян карда шуданд.
Шоҳҷоиза насиби тарбиятгирандаи кӯдакистони №33 Сабрина Кенҷаева, ду ҷойи якумро тарбиятгирандаи ширхоргоҳ-кӯдакистони №13 Малика Икромова ва тарбиятгирандаи кӯдакистони хусусии «Дилоро» Ганҷина Ашӯрова, ҷойи дуюмро тарбиятгирандагони кӯдакистони №20 Меҳронаи Тоҳирӣ ва Фарида Шукруллозода ва ҷойи сеюмро тарбиятгирандагони кӯдакистонҳои №6, №36 ва №37 Махфират Раҳимова, Сумая Арипова ва Шоҳина Исмоилова ба даст оварданд.
Ҷоиз ба зикр аст, ки иштирокчиёни озмун аз рӯйи шартҳои саломнома ва муаррифии он, қироати шеъри кӯдакона, бозидани нақшаи асосӣ аз рӯйи қаҳрамонҳои «Афсонаҳои халқи тоҷик» ва суруд ё рақс дар оҳанги мусиқии миллии кӯдакона бо ҳам рақобат намуданд.
Бояд қайд намуд, ки озмуни мазкур бо мақсади баланд бардоштани маънавиёти насли наврас, ташаккули ҷаҳонбинии худфаъолиятӣ, эҷодкории кӯдакон баргузор карда шуд.
Манбаъ: Дафтари матбуоти Раиси шаҳри Хуҷанд
Нет комментариев