Шумораи фаъоли моҳонаи истифодабарандагони хизматрасонии Instagram, ки ба шабакаи иҷитимоии Facebook таалуқ дорад, аз 200 миллиони моҳи сентябри соли гузашта ба 1 миллиард расид. Дар ин бора дар блоги яке аз асосгузорони он Кевин Систром омадааст.
Ба ғайр аз ин Instagram дар бораи фаъолшави хизматрасонии нави IGTV хабар дод, ки ба он видеоҳои амудии то 1 соатаро ҷой додан мумкин. IGTV аз худ замимаи алоҳидаеро мемонад, лекин видеоро тариқи замимаи Instagram низ тамошо кардан мумкин аст.
Ба гуфти Систром, IGTV ба телевизион монанди дорад. Баъди фаъол гардидани замима фавран хондани видео оғоз мешавад. Ба истифодабарандагон наворҳои шахсоне, ки дар шабака дӯстони онҳо мебошанд, дастрас мешавад. Инчунин имкони тамошои дилхост навор аз варақаҳои махсус дода мешавад.
IGTV давоми якчанд ҳафтаи наздик дар Android ва iOS фаъол мешавад. Ҳоло онҷо сароянда Селена Гомез ва арт-директори Louis Vuitton — Вирджил Абло саҳифаҳои худро фаъол намуданд.
Хотирасон мешавем, ки шумораи фаъоли истифодабарандагони Facebook ҳанӯз як сол пеш ба 2 миллиард расида буд.
Нет комментариев