Ҷаласаи навбатии Комиссия оид ба ҳуқуқи кўдаки назди мақомоти иҷроияи ҳокимияти давлатии шаҳри Хуҷанд таҳти роҳбарии раиси Комиссия, муовини Раиси шаҳри Хуҷанд Фирӯза Нуруллозода баргузор градид, ки дар он аъзои Комиссия 19 масъаларо мавриди баррасӣ қарор доданд.
Шаҳрвандон доир ба масоили иваз намудани номи фарзанд, барои ба васоят гирифтани наздикон, гирифтани фарзанд аз “Хонаи кӯдакон ва ғайраҳо муроҷиат намуда, хулосаҳои қаноатбахши Комиссияро ба даст оварданд. Ҳамчунин Комиссия мактуби як қатор мақомоти дахлдорро вобаста ба амалу кирдори ноболиғон бо ҳузури волидайн, ноболиғ ва маъмурияти муасисаи таълимӣ омӯхта, хулосабарорӣ намуданд.
Ҷоиз ба зикр аст, ки Комиссия оид ба ҳуқуқи кўдаки назди мақомоти иҷроияи ҳокимияти давлатии шаҳри Хуҷанд дар 6 моҳи соли 2018 беш аз 130 адад аризаҳои хаттӣ ва 160 адад муроҷиатҳои шифоҳии шаҳрвандон ва 131 адад мактубҳоро аз мақомоти марбута саривақт тибқи меъёрҳои муқарраркардаи Қонуни Ҷумҳурии Тоҷикистон “Дар бораи муроҷиатҳои шахсони воқеӣ ва ҳуқуқӣ” мавриди баррасӣ қарор дода, баҳри ҳифзи ҳуқуқ ва манфиатҳои қонунии кўдакони ноболиғ тадбирҳои зарурӣ андешидааст.
Дар ин давра 5 маротиба ҷаласаи комиссия оид ба ҳуқуқи кўдак гузаронида шуда, дар он 111 масъала мавриди муҳокима қарор дода шуд ва дар ин замина масъалаи 60 нафар ноболиғони бо қонун мухолифатдошта ва душвортарбия баррасӣ гардида, ба волидони ин кўдакон мўҳтавои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» фаҳмонида шуд.
Манбаъ: Дафтари матбуоти Раиси шаҳри Хуҷанд
Нет комментариев