Санаҳои 24-25 июли соли равон дар толори варзишии “Меҳровар”-и шаҳраки Шайдони ноҳияи Ашт мусобиқаи ноҳиявӣ оид ба гӯштини тарзи озод байни наврасон ва ҷавонон баргузор гардид.
Тавре аз мақомоти иҷроияи ҳокимияти давлатии ноҳия иттилоъ доданд, дар мусобиқа аз ҷамоатҳои шаҳраку деҳоти ноҳия зиёда 100 нафар наврасону ҷавонон иштирок намуданд. Дар ҷамъбасти мусобиқа ба 50 варзишгари беҳтарин диплом ва туҳфаҳои хотиравии мактаби варзишии №1-уми ноҳия тақдим карда шуд.
Тибқи иттилои манбаъ мақсад аз баргузории чунин мусобиқа ҷалби ҷавонон ба варзиш, тарғибу ташвиқи тарзи ҳаёти солим миёни ҷавонон мебошад.
Манбаъ: Хадамоти матбуоти Раиси вилояти Суғд
Нет комментариев