Кофарниҳон — яке аз дарёҳои Тоҷикистон мебошад. Аз ҳудуди Тоҷикистон мегузарад. Масоҳати ҳавзаи он 1740 км² буда, дарозиаш 71 км мебошад. Шохаи дигари Амударё Кофарниҳон мебошад. Он оби худро аз ҷанубии доманакӯҳи Ҳисор гирифта, ба тарзи меридионалӣ ҷорӣ мешавад. Дар болооби худ дар назди деҳаи Ромит ба ҳам пайвастшавии дарёҳои Сароб ва Сардаи Миёна номи Кофарниҳонро мегирад. Дар рафти ҷараён аз тарафи чап дарёи Элок ва аз тарафи рост дарёҳои Варзоб ва Хонакоҳро ба худ хамроҳ карда, пуроб мегардад.
Хонақоҳ — дарёест дар Тоҷикистон, шохоби рости дарёи Кофарниҳон. Дарё аз нишебии ҷанубии қаторкӯҳи Ҳисор ибтидо меёбад. Тӯлаш 61 км, масоҳати ҳафзаш 362 км мурабаъ. Болооб ва миёнаоби дарё аз дараи танг, поёнобаш аз водии васеъ ҷорист. Манбаи дарё барфу пиряханд. Давраи пуробиаш аз охири феврал то миёнаи сентябр давом мекунад. Дарё ширмоҳӣ ва дар болообаш гулмоҳӣ дорад.
Фондарё — яке аз дарёҳои Тоҷикистон мебошад, ки шохоби тарафи чапи дарёи Зарафшон аст, 24 километр дарозӣ, масоҳати ҳавзаи ҷоришави 3230 км², ва хуруҷи об — 62,6 м³/с. мебошад.
58 % оби худро аз ҳисоби шохоби асосиаш, дарёи Яғноб, ки аз пиряхҳои қаторкӯҳи Зарафшон об шуда меояд ва 30 % аз Искандардарё, ки аввали худро аз Искандаркӯл мегирад, ба Фондарё мерезад.
Ҷои саршави дар назди шаҳраки Зарафшон — дарёи Яғноб бо Искандардарё якҷояшуда Фондарё ном мегирад ва 2 километр то шаҳраки Айнӣ норасида бо дарёи Зарафшон якҷоя мешаванд.
Дарозии Фондарё бо дарёи Яғноб, ҳамаги 140 километро ташкил мекунад. Бо хати дарьё, роҳи автомобилгарди Душанбе – Самарқанд — Тошканд мегузарад.
Абдуқаҳҳор — дарёчаи кӯҳӣ, яке аз шохобҳои чапи дарёи Ванҷ дар Помир мебошад. Аз пиряхи Абдуқаҳор ибтидо гирифта, дар Хирсдара ҷорӣ мешавад. Дарозиаш 13 км. Давраи серобиаш июл-август, камобиаш октябр – март. Манбааш пирях ва барф. Ҳар сари чанд вақт (1937, 1951, 1963, 1973) дар натиҷаи ба пеш хазидани пиряхи Хирсон ва банд шудани маҷрои Абдуқаҳҳор дар паси пирях кӯли калони мавсимӣ пайдо мешавад.
Элок — дарё дар ноҳияи Файзобод, калонтарин шохоби чапи дарёи Кофарниҳон. Аз ҳудуди ноҳияи Файзобод, ноҳияи Ваҳдат ва ноҳияи Рӯдакӣ ҷорист. Тули дарё 97 км буда, масоҳати ҳавзааш 829 км² мебошад. Дарё аз чашмаи деҳаи Элоқ, ки дар доманаи ҷанубии қаторкӯҳи Қаротегину Сурхкӯҳ ва поёнобаш аз водии Ҳисор мегузарад. Манбаи дарё обҳои зеризаминӣ ва барфу борон мебошад. Сарфи миёнаи бисёрсолаи об 0,5 м³/с. Дар дарёи Элок ширмоҳӣ, зағорамоҳӣ ва дар болообаш гулмоҳӣ ҳастанд. Оби Элок барои обёрии заминҳо ва бо об таъмин кардани аҳолӣ истифода мешавад.
Нет комментариев