Бӯстон (собиқ Чкаловск) —шаҳр дар вилояти Суғд.
Таърих
Сохтмони шаҳри Чкаловск 10 сенятбри соли 1949 дар назди шаҳри Хуҷанди вилояти Суғд оғоз гардида буд. Дар аввал он танҳо маркази саноатӣ ё ин ки маркази коркарди уран ҳисоб мешуд ва он номи корхонаи калонеро, ки дар ин ҷо кор мекард, дошт. Дар даврони шӯравӣ ин шаҳр — шаҳри махфӣ ба ҳисоб мерафт барои он, ки дар ин ҷо заводи коркарди маъдани уран, ки барои истифодаи яроқи қатли ом ва неруи атомӣ аз ҷониби ИҶШС амал мекард. Академики АИ ИҶШС Курчатов асосгузори ин корхонаи коркарди атом буд.
Аввал ин шаҳр Сотсгород (шаҳри сотсиалистӣ) ном дошт ва баробари сохтмони корхонаи коркарди уран, сохтмони шаҳри нав низ оғоз гардид. Дертар номи шаҳрро бо номи олими бузурги рус Курчатовск номгузорӣ карданӣ буданд, вале азбаски, шаҳр махфӣ ба ҳисоб мерафт, ба он номи ҳавонаварди қаҳрамони СССР Чкаловро гузоштанд.Бо қарори Маҷлиси миллии Ҷумҳурии Тоҷикистон аз 3 марти соли 2016номи шаҳр ба Бӯстон иваз шудааст. Дар Бӯстон бисёр миллатҳо зиндагони мекунанд: точикон 27,9 ҳаз. нафар (91,4 %), русҳо 1,9 ҳаз. нафар (6,1 %), татарҳо -0,5 ҳаз. нафар (1,6%) ,дигар миллатҳо 0,3 ҳаз. нафар (1,3 %), аҳолии марказӣ – 28,2 ҳаз. нафар, аҳолии Ҷамоати шаҳраки Палос – 2,4 ҳазор нафар.
Нет комментариев