Вохӯрии дастаҳои «Хайр»-и Тоҷикистон ва «Шайх Рассел»-и Бангладеш, дар доираи бозиҳои интихобии Ҷоми Кондедератсияи футболи Осиё дар варзишгоҳи марказии шаҳри Душанбе баргузор гардид. Ҳимоятгари дастаи Хайр — Ҳасан Рустамов пас аз партофти ҳамдастааш Сафаралӣ Каримов тӯбро вориди дарвозаи Мамун Хан кард. Пас аз кушодани ҳисоби бозӣ ҳуҷумҳои тарафайн ба ҷониби дарвозаҳо бештар гардида, футболбозони Бангладеш бештар ҳамлаҳои хешро бо партофтҳои озод анҷом доданд. Ҳамин тавр қисми авали бозӣ бо натиҷаи 1 бар 0 ба анҷом расид. Дар қисми дуввуми бозӣ футболбозони Хайр ҷониби дарвозаи меҳмонон ҳуҷумҳои пай дар пай созмон медоданд, аммо бенатиҷа анҷом меёфт. Ҳамин тарик бозии дастаҳо бо натиҷаи 1 бар 0 бо фоидаи соҳибони майдон ба анҷом расид ва дастаи Хайр ба марҳилаи дуввуми бозиҳои интихобӣ, ки санаи 17-уми феврал дар Умон доир мегардад, роҳхат гирифт. Ҳамакнун Хайр дар Умон бо тими Фанча рақобат мекунад. Танҳо дар сурати пирӯзӣ футболбозони Хайр метавонанд ба марҳилаи гурӯҳии Ҷоми АФК роҳхат гиранд. Дар ин бора jahonnamo.tj хабар медиҳад.
5 Маслиҳати муфид оид ба интихоби смартфон
Албатта, бисёри одамон имрӯз дар интихоби смартфон маҳорати хуб доранд. Зеро ки ҳар яки мо акс мегирем, бозӣ мекунем, аз шабакаҳои иҷтимоӣ истифода мебарем, мусиқӣ ...
Нет комментариев