Дар доираи бозиҳои даври 13-уми Премйер-Лигаи Англия дастаҳои “Ливерпул” ва “Манчестер Сити” ба ҳам омаданд. Вохӯрии дастаҳо дар варзишгоҳи бошукуҳи “Энфилд” дар ҳузури 60 248 нафар мухлис баргузор гардида, бо ҳисоби 2 бар 0 ба фоидаи тими мизбон анҷом ёфт.
Аз ҳайати “Ливерпул” дар дақиқаи 12-уми бозӣ аз паси головари Муҳаммад Салоҳ истифода карда, Коди Гакпо ҳисобро боз кард. Дар идома, худи Муҳаммад Салоҳ аз зарбаи пеналтӣ дар дақиқаи 78-ум ҳисобро дуболо кард.
Дар доираи бозиҳо дар Премйер-Лига дастаҳо бори 174-ум бо ҳам бозӣ карданд. Дар ин бозиҳо 81 ғалаба ба фоидаи «Ливерпул» ва 46 ғалаба ба фоидаи «Манчестер Сити» аст. 46 бозии дастаҳо бо натиҷаи мусовӣ анҷом ёфтааст.
Дар 2 бозие, ки мавсими гузашта, дастаҳо доштанд натиҷаи мусовии якхелаи 1:1 ба қайд гирифта шудааст. Охирон маротиба «Манчестер Сити» моҳи феврали соли 2021 дар «Энфилд» бо ҳисоби 4 бар 1 «Ливерпул»-ро шикаст дода буд.
Ёдовар мешавем, ки ҳоло дар ҷадвали мусобиқа “Ливерпул” бо 34 имтиёз дар зинаи аввал аст. “Манчестер Сити” ба антирекордҳо дар ҳама мусобиқаҳо идома дода, ҳоло бо 23 имтиёз дар зинаи панҷум аст.
Манбаъ: Варзиш Тв
Нет комментариев