Дар доираи бозиҳои даври 25-уми Про-Лигаи Арабистони Саудӣ дастаҳои “Ал-Наср” ва “Ал-Холуд” бо ҳам бозӣ карданд. Вохӯрии дастаҳо дар варзишгоҳи “Ал-Аввал Парк”-и шаҳри Риёз баргузор гардида, бо ҳисоби 3 бар 1 ба фоидаи “Ал-Наср” анҷом ёфт.
Дар дақиқаи 4-уми бозӣ Криштиану Роналду ҳисобро боз кард. Ин голи 19-уми Роналду дар мавсими имсолаи Про-Лига ва 928-ум дар корномаи футболбозиаш буд.
Дар дақиқаи 26-уми бозӣ Садио Мане ҳисобро дуболо кард. Дар дақиқаи 41-ум Ҷон Дуран бо голи зебои худ, ҳисобро 3 бар 0 ба суди “Ал-Наср” намуд.
Ягона голи тими “Ал-Холуд”-ро дифоъгари “Ал-Наср” Али Лаҷамӣ ба таври худгол ба дарвозаи тими хуб зад. Ҳамчунин, Наваф Абдулраҳмон Бушал аз ҳайати “Ал-Наср” дар дақиқаи 56-уми корти сурх гирифт.
Бо ин ғалаба, тими “Ал-Наср” бо касби 51 имтиёз ба зинаи сеюми ҷадвали мусобиқа баромад. “Ал-Холуд” бо 31 имтиёз дар зинаи 10-ум аст. “Ал-Иттиҳод” бо 61 имтиёз пешгоми ҷадвали мусобиқа мебошад.
Бозии навбатии “Ал-Наср” муқобили “Ал-Ҳилол” рӯзи 4-уми апрел ба нақша гирифта шудааст. Ҳамчунин, дар даври 26-ум боз “Ал-Аҳлӣ” бо “Ал-Иттиҳод” бозӣ мекунад. Ҳамин тавр, дербии Риёз ва Ҷидда дар ин давр мунтазири мухлисон аст.
Манбаъ: Варзиш-ТВ
Нет комментариев