Осорхонаи миллии Ҷумҳуриии Тоҷикистон ба номи Камолиддин Беҳзод дар Душанбе то соли 2013 ҷойгир шуда буд. Осорхона ба номи рассоми (миниотюранигор)-и номдори асримиёнагӣ, Камолиддин Беҳзод гузошта шуда буд.
Таърих
12 августи соли 1934 бо қарори Комиссариати халқии Тоҷикистон (ҳукумат) аввалин Осорхонаи таърихӣ-кишваршиносӣ дар шаҳри Душанбе таъсис ёфта буд. Соли 1959 осорхона ба Осорхонаи муттаҳидаи ҷумҳуриявии таъриху кишваршиносӣ ва санъати тасвирии ба номи К. Беҳзод дар заминаи Намоишгоҳи комёбиҳои хоҷагии қишлоқи ҷумҳурӣ дар шаҳри Душанбе таъсис дода шудааст. 27 ноябри соли 1999 дар асоси қарори Ҳукумати Ҷумҳуриии Тоҷикистон ба Осорхонаи миллии ба номи Камолиддин Беҳзод мубаддал гаштааст. Осорхона то соли 2013 барои тамошобинон хизмат расонидааст. Бинои Осорхонаи миллии ба номи Камолиддин Беҳзод дар хиёбони Айнӣ назди майдони ба номи Садриддин Айнӣ ҷойгир шуда буд.
Хазинаи осорхона
Соли 1934 осорхона дорои 530 экспонат буд ва минбаъд дар хазинаи осорхона зиёда аз 50000 экспонат ҷамъ оварда шудааст.
Барҳам дода шудани осорхона
Соли 2013 баъд аз таъсис ёфтани осорхонаи нав – Осорхонаи миллии Тоҷикистон, ки дар назди боғи Парчами миллии Тоҷикистон ҷойгир шудааст, Осорхонаи миллии ба номи Камолиддин Беҳзод барҳам дода шуда хазинаи экспонатҳои он ба Осорхонаи миллии Тоҷикистон гузашт. Бинои осорхона ба Донишкадаи муссавирӣ ва дизайни Тоҷикистон барои истифода дода шудааст.
Нет комментариев