Фарзанди номовар ва номабардори шоҳсутни санъати эстрадии тоҷик, хунёгари ғуррамаргу зиндаёд Кароматуллои Қурбон ҳамасола рухи падари бузургворашро бо баргузории як барномаи вижаи консертӣ зинда медорад. Имсол низ Мухаммадрафӣ ин анъанаро побарчо дошта, рӯзи 29-уми ноябр дар толори Филармонияи давлатии Тоҷикистон хотири мухлисони Кароматуллои Қурбон ва ҳаводорони ҳунари хешро бо як шоу-барномаи рангини консертӣ шод хоҳад кард. Барномаи имсола аз барномахои солҳои пешин чи тафовут дорад ва чи сюрпризҳо ҳаводорони санъати асилро интизоранд? Сари ин мавзуъ бо Мухаммадрафӣ суҳбати ҷолибе доштем, ки фишурдааш пешкаши шумо мегарад.
Ҳеҷ немат беҳтар аз фарзанд нест,
Ҷуз ба ҷон фарзандро пайванд нест.
Ҳосил аз фарзанд гардад коми мард
Зинда аз фарзанд монад номи мард
Муҳаммадрафи омодагиҳо ба барномаи консертӣ дар кадом сатҳ қарор доранд?
Бисёр хуб, ман ҳамеша талош мекунам, ки ба боварии мухлисони азизам сазовор бошаму бо навгониҳо хотирашонро шод гардонам.
Барномаи мазкур аз барномаҳои солҳои қаблӣ тафовуте дорад?
Бале бе ин намешавад. Қариб 60% сурудҳое, ки дар ин барнома пешкаш мешавад нав асту ба хотири ин барнома таҳия шудааст. Илова бар ин мо ният дорем на консерти оддӣ, балки як шоу — барномаи ҷолибе гузаронем. Бози бо мухлисон, тӯҳфаҳо, дуетҳои нав ва меҳмонони шинохта ин ҳамаашро метавонед дар барномаи консертии мо тамошо намоед.
Дует гуфтеду ба хотирам омад, ки бо сарояндаи нотакрори кишвари ҳамсоя Юлдуз Усмонова дуети хубе сароидаед. Яъне, ки Юлдузро низ дар консерт дида метавонем?
Бигзор меҳмонон ва онҳое, ки бо ман дует месароянд роз ё сюрприз монад (Механдад) Ба барнома оед ва бо чашмони худ бубинед.
Чаро маҳз “Қиссаи дарё” ном гузоштед барномаи имсоларо?
Ба номи консертҳои пешина ҳаммаъно ҳамсон аст. Масалан солҳои қаблӣ “Ду соҳил” ва “пешинаш “Баъд аз хайрбод” буд ва илова бар ин номи суруд аст.
Нозиябону вақтҳои охир камнамо шудааст. Вай дар барномаи консертӣ ширкат меварзад?
Нозиябону айни замон аз пайи тарбияи тифлакони хурдсолӣ хеш аст ва наметавонад дар ин барнома ширкат кунад. Вай рисолати модарии хешро иҷро карда истодаст. Дар оянда шояд ширкат варзад вале имсол не.
Хонандагони азиз аз розҳои пинҳонии Муҳаммадрафии Кароматулло огаҳ шудан хоҳед? Мо ба шумо чунин имкониятро фароҳам меоварем. Танҳо як рӯз имкони дастраси ба ин ситораи дурахшони санъатро доред. Санаи 19-уми ноябр, аз соати 10.00 то 12.00 шумо имкон доред бо Муҳаммадрафии Кароматулло дар тамос шуда, ҳар чизеро, ки дар мавриди зиндагиву эҷодаш донистан мехоҳед, бипурсед.
Мухлисе, ки саволи беҳтаринро медиҳад, соҳиби даъватномаи махсус ба барномаи ҳунарии Муҳаммадрафии Кароматулло хоҳад гашт. Мехоҳед чиптаи консерти Муҳаммадрафиро бурд намоед, пас, ҳатман ба рақамҳои 93-111-08-97, 238-53-35, 238-52-52, 985-81-89-81, 93-856-82-22 ва 907-46-27-11 занг занед ва савол диҳед, савол диҳед, савол диҳед!!!
Нет комментариев