Тадқиқотҳои нишон медиҳанд, ки аксари сагҳои хонагӣ (зиёда аз 45 фоиз) аз садову овозҳои баланд ба мисоли таркиши мушакҳо (фейерверк) ҳарос доранд. Ин масъала ҳоло дар пойгаҳи Соли нав хело мубрам мегардад. Ҳалли хусусии ин масъаларо дар яке аз лоиҳаҳояш ширкати Ford пешниҳод намуд.
Ширкати хоначаи махсуси овоз нагузаронандаеро сохт, ки гӯши ҷонварҳои хонагиро аз овозҳои баланд эмин медорад. Пай бурдан мушкил нест, ки дар ин сохтмон технологияҳои муосири зидди садогии мошинаҳои Ford истифода шудаанд.
Ба хусус деворҳои хонача бо моти махсус пӯшонида шудааст. Масолеҳи антиларзиши ва пӯкҳои зичиашон баланд барои хомӯш намудани овоз истифода шудаанд. Ҳатто системаи ҳаводиҳии беовози махсус пешбини шудааст.
Албатта хусусияти асосии фарқкунандаи хонача, ин системаи баланди пахши садо мебошад. Вақте, ки микрофонҳои дар хонача буда, садои гӯшхарошро муайян мекунад, системаи насбшуда мавҷҳои зиддиовозиро ба миён меорад. Ин имкон медиҳат то садои гӯшхарош ба хонача роҳ наёбад.
Ҳамаи инро дари хонача, ки тариқи автоматӣ баста мешавад ҷамбаст менамояд. Бо шарофати ҳамаи ин барои саг фазои ороми бароҳат фароҳам оварда мешавад.
Айни ҳол ин хонача ягона буда дар ҳолати санҷишӣ қарор дорад. Лекин Ford иброз медорад, ки агар ҷамъият ба ин лоиҳаи диққати ҷидди зоҳир намояд, албатта барориши онро ба роҳ мемонад.
Нет комментариев