Дар асоси ҷадвали тасдиқнамудаи роҳбарияти вилоят мулоқоти раисони шаҳру ноҳияҳо бо донишҷӯёне, ки дар муассисаҳои таҳсилоти олӣ ва миёнаи касбии маркази вилоят таҳсил доранд, идома дорад.
Рӯзи 19 декабр дар Кохи фарҳанги “Суғдиён” мулоқоти раиси шаҳри Истаравшан Баҳром Иноятзода бо донишҷӯён баргузор гардид.
Раиси шаҳри Истаравшан Баҳром Иноятзода зимни мулоқот иброз дошт, ки Мақомоти иҷроияи ҳокимияти давлатии шаҳр баҳри дар амал татбиқ намудани сиёсати давлатии ҷавонон тадбирҳои зарурӣ меандешад. Дар шаҳри Истаравшан барои таҳсилу ба варзиш машғул шудани ҷавонону наврасон шароитҳои зарурӣ фароҳам буда, ҷиҳати тарбияи насли ҷавон дар руҳияи баланди ватандӯстӣ корҳои назаррас ба сомон расонида мешавад.
Дар мулоқот Абдуллоев Акамал, донишҷӯи Донишгоҳи давлатии ҳуқуқ, бизнес ва сиёсати Тоҷикистон, Ҳакимов Нозимҷон, донишҷӯи Донишгоҳи давлатии Хуҷанд ба номи академик Бобоҷон Ғафуров, Сангинова Ҳалима, донишҷӯи Донишгоҳи давлатии Хуҷанд ба номи академик Бобоҷон Ғафуров, Усмонов Хушбахт, донишҷӯи Донишгоҳи давлатии Хуҷанд ба номи академик Бобоҷон Ғафуров, Исоева Зарнигор, донишҷӯи Донишгоҳи давлатии Хуҷанд ба номи академик Бобоҷон Ғафуров, Тоҷибоев Шералӣ, донишҷӯи Донишгоҳи давлатии ҳуқуқ, бизнес ва сиёсати Тоҷикистон баромад намуда, доир ба мушкилоти ҷойдошта саволҳои худро пешниҳод намуданд.
Сипас, аз ҷониби роҳбарияти шаҳр ба 10 нафар донишҷӯёни фаъол сипоснома ва ба зиёда аз 50 нафар кӯмаки яквақтаи молиявӣ тақдим карда шуд.
Манбаъ: Хадамоти матбуоти Раиси вилояти Суғд
Нет комментариев