Ширкате, ки ин ғояро пешбари намудааст StartRocket ном дорад. Вай мехоҳад бо истифодаи системаи радифҳо (спутник) дар осмон логотип ва ибораҳоро ҷой диҳад.
Телевизион, интернет, кӯчаҳои шаҳр – ҳамаро таблиғот пур кардааст. То ҳол танҳо осмон барои реклама дастнорас буд, мутаасифона баъди чанде ҳамааш иваз шавад. Ғояи ширкат дар он аст, ки аз истифодаи системаи спутникҳои CubeSat, тақрибан дар баландии 400-490 километр аз замин, маълумотро пахш кунад. Ҳар радиф аз худ бодбонеро мемонад, ки масоҳати 49 километри квадратиро бо равшании офтоб мегирад. Аз замин бошад, ба чашми инсон, ин ба як пиксел баробар мешавад. Бо истифодаи ана ҳамин намуд бодбонҳо дар осмон, навиштачотро ҷой додан мумкин, мисол номи ширкат. StartRocket иттилоъ медиҳад, ки як таблиғи футуристикӣ ҳамаги 6 дақиқа давом мекунад. Лекин маълум нест, ки ин маҳдудияти техники ё бо назардошти бехатари бошад.
Аммо амалишавии лоиҳа ба бисёр монеаҳо дучор мешавад, мисол дахолат ба бехатарии парвозҳо.
Намояндаи ширкати StartRocket, Алексей Скорупский боварӣ мекунонад, ки ҳамаи хавфҳоро ба инобат гирифтаанд: “Мо таҷҳизотҳои навро коркард мекунем. Дар оғозаш, дар телевизор низ касе рекламаро эътироф намекард” – хотирасон мекунад ӯ. Ширкат дар нақша дорад ғояи худро соли 2021 амали созад. Мутаасифона ҳоло дар бораи арзиши он маълумоте наомадааст.
Нет комментариев