Маъракаи интихоботи парлумонӣ дар Тоҷикистон ба итмом расид. Соати 20-00-и вақти маҳаллӣ ҳамаи қитъаҳои интихоботӣ баста шуда, ҳисобу китоби овозҳо оғоз гардид. Интихобот ҳанӯз соати 15-и рӯз баргузоршуда эътироф гардид, ки то ин замон аллакай беш аз 74%-и интихобкунандагон овоз дода буданд. Соати 18-и вақти маҳаллӣ дар интихобот 3 млн. 515 ҳазор нафар шаҳрвандон иштирок намуданд, ки аз шумори умумии интихобкунандагон зиёда аз 81%-ро ташкил дод.
Роҳбари дастгоҳи КМИР Тоҷикистон Абдуманнон Додозода иттилоъ дод, ки натиҷаҳои ниҳоии иштироки интихобкунандагон имрӯз зимни брифинг эълон мегардад. Ҳамчунин имрӯз натиҷаҳои пешакии овоздиҳӣ низ эълон карда мешаванд. Тибқи маълумоти КМИР интихобот ба таври демократӣ, шаффофу кушода ва бидуни қонуншиканӣ сурат гирифт. Ба палатаи поёнии парлумон 63 вакил — аз ҳавзаҳои якмандатии интихоботӣ — 22 нафар ва аз ҳавзаи ягонаи умумиҷумҳуриявӣ тибқи рӯйхатҳои ҳизбӣ — 22 нафар вакилон интихоб карда мешаванд. Дар мониторинги интихобот 528 нафар нозирони байнулмилалӣ ва зиёда аз 1 ҳазор нафар нозирони маҳаллӣ ҳузур доштанд. Ҷараёни интихоботро беш аз 100 нафар хабарнигорони васоити ахбори умуми расонаҳои хориҷӣ инъикос намуданд. Нозирон хулосаҳои худро имрӯз пас аз эълони натиҷаҳои пешакии интихобот аз ҷониби КМИР иброз медоранд.
Дар ин бора news.tj хабар медиҳад.
Нет комментариев