Гаҷети солҳои 90-ум чӣ гуна буданд? Агар шумо дар ҳасрати он бошед, пас ҳамроҳ дастрўймолча гиред, ки ашки ҳасрат рехтанатон аз эҳтимол дур нест.
Иловаи Sega ва Dendy
Ин аввалин иловаҳо ба ҳаёти ҳар дуюмин гаймери замони шўравӣ буд. Бо он ҳама аз хурдон сар карда то бузургон бозӣ мекарданд. Онро ба телевизор мепайвастанд ё ба клубҳо барои бозӣ мерафтанд. Агар ягон бозӣ набошад, бозии рафиқонро аз қафояшон истода тамошо мекарданд. Аввалин модулҳо ба давлати мо соли 1993 омада расид. Соли 1996 бошад, истеҳсоли он бинобар сохта ё ба таври дуздӣ нусхабардорӣ шуданашон қатъ гардиданд. Кор ба монанди бозиҳои тетрис- «9999 дар 1» ва ба он монанд шуда монд.
Номи Sega Mega Drive басо аҷиб садо медод. Якҷо бо логотипи хорпуштаки Соник маро сахт ба ҳайрат оварда буд. Бозиҳо дар картриҷ дастрас мешуданд. Онҳо Марио, Аладин, Контра, Индиана Ҷонс, Робокоп, Мортал, Комбат-3, Соник, ФИФА 97, Шоҳзода Перси ва ғайра буданд. Ин бозиҳо чунон маъруф гардиданд, ки онҳоро ба компютеру смартфонҳо гузарониданд. Илова то худи охири солҳои 90-ум, даме, ки Play Station 2 баромад, басо харидоргир буд. Худи ширкат бошад, истеҳсоли таҷҳизоти видеоро то соли 2001 давом дод.
Тетрис
Номи бозӣ аст, ки онро дар нимаи солҳои 80-ум Алексей Пажитнов ихтироъ кард. Пораи пластикаи росткунҷа бо тирезачаи тангаш «Brick Game»-бозӣ бо хишт ном дошт. Бинобар он ки маҳз ин бозӣ дар он маъруф буд, ин таҷҳизотро ҳамту, Тетрис номиданд.
Электроника ИМ 02
Иловаи чоркунҷа, ки бозӣ дар он чунин буд: Гург аз филми тасвирии «Ҳоло, ист!» (Ну погоди) медавид ва ба сабаташ тухм мечид, ки мурғҳо бо суръати баланд тухм мекарданд. Ин барои чӣ лозим буд ва чаро ин чиз барои одамон шавқовар метофт, ба ман то ҳол нофаҳмост.
Ҳатто ривоят буд, ки агар ту 999 хол ба даст орӣ, илова ба ту як силсила филмҳои тасвириро нишон медиҳад. Акнун андеша кунед. Аввал ин ки 999 хол ба даст овардан амри муҳол буд. Дар бозӣ харгўш ҳам буд, ки аз хоначааш сар бароварда гургро тамошо мекард. Барои тухмҳои ночида холҳои ҷаримавӣ муқаррар шуда буданд. Аниқтараш агар 3 хол мегирифтӣ бозӣ қатъ мешуд ва онро аз нав оғоз кардан лозим меомад. Якчанд сатҳи мураккабӣ вобаста аз- теъдоди рафчаҳо буд, ки дар онҳо тухмҳо меғелиданд. Ҳамзамон 4 тугма барои роҳандозӣ кардани гург ба рафчаи зарурӣ амал мекард.
Пейҷер
Ин гаҷете буд, ки хабарнома мегирифт. Барои он ки барои дўсти худ СМС нависӣ бояд рақам ва номи ўро донистан, ба оператор занг зада, рақами муштариро гуфтан ва матни заруриро дикта кардан зарур буд. Қуттичаи росткунҷаи дисплейдор, ки ба он рамзҳо ворид карда мешуданд, бо 2-3 батарейкаҳо кор мекард. Матн дар шабакаи пейҷингӣ дода мешуд. Вазифаи вай иборат танҳо аз як чиз-қабули хабарнома буд. Аз он занг задан ё бо ёрии он хабарнома ирсол кардан мумкин набуд.
Девайс доимо дар реҷаи «пинҳонӣ гўш кардан»-и мавҷи худ қарор дошт. Ҳамоне, ки ба Шумо хабарнома ирсол мешуд, сигнал дар сонияҳои башумор омада мерасид. Маҳз барои ин пейҷерҳо аз оғоз байни табибон маъруф гардиданд. Дар кинофилмҳои он замон духтурон баробари гирифтани хабарнома паи наҷот додани бемор мешуданд. Гаҷет ҳатто хотира дошт, ки имкон медод, бо ёрии он тамоми хабарномаҳои ирсолшударо дидан мумкин буд. Ин маъруфият то замони арзон шудани алоқаҳои мобилӣ идома кард. Он вақт духтурон дар миёнашон телефонҳои мобилиро баста мегаштагӣ шуданд.
Плеери фитагӣ
Аввалин плеери фитагиро кадом аз муҳандисони ширкати Sony ихтироъ карда, ҳамагонро қоил сохт. Акнун мусиқиро на танҳо дар хона, назди магнитофонҳо ё грамофонҳо балки дар дигар ҷойҳо низ гўш кардан мумкин буд. Агар модули аввалин 200 доллар арзиш дошта бошад, модулҳои баъдинаи плеерҳо арзон шудан гирифтанд. Ин аст, ки солҳои 90-ум бе ягон мушкилӣ маблағ ҷамъ карда Walkman ё ягон оддитарашро харидан мумкин буд. Ба ғайр аз гўш кардан фитаҳои плеер АМ/FM-радио доштанд, ки дар онҳо диктофонҳо низ буд. Аз ин рў, аз 1 млн. як пленка, мавҷи радио ё сурудхонии дўстонро, ки дар радио сабт шуда буд, гўш кардан мумкин буд.
Фитаҳо тонна-тонна фурўхта мешуданд. Нархашон басо арзон -тин меистод. Аммо, соҳибмаҳоратон худашон сабт мекарданд. Агар плеерро чапа печонидан мушкил мешуд, ё чун азони ман плёнка дармемонд, он вақт бо қалам ё чиллаи даст фитаро давр мезанонданд.
Суратгираки плёнкагӣ
Таҷҳизоти росткунҷа аз пластикаи арзон бо таҷҳизотҳои даҳшатнокаш доимо ғичиррос зананда ва рўшаниаш ваҳшиёна, ки бо тасмача доимо дар даст буд. Бо батарейка кор мекард.
Ин гуна таҷҳизотро ҳар оила соҳиб шуда метавонист. Дар хотир надорам, ки онро байни худ муқоиса намоянд. Суратгиракҳои ширкатҳои маъруф истеҳсолкарда қимат буданду истеҳсоли Хитой- «ноунейм» басо арзон. Плёнка чизи дигар буд. Онро одаамон интихоб мекарданд. 24 кадра ё 36 кадра?! Истеҳсолкунандааш Kodak ё Fujufilm? Баъде, ки плёнка пурра суратгирӣ мешуд, мебоист онро дар хонаи торик аз суратгирак ҷудо кард. То ки рўшанӣ ба он наафтад. Танҳо баъди ин плёнкаро зоҳир мекарданд.
Соати калкулятордор
Байни ин навъҳо Casio басо маъруф буд. Лекин то ҳол одамоне ёфт мешаванд, ки мекўшанд ин гуна гаҷетро харидорӣ кунанд ё фурўшанд. Аз афташ андеша мекунанд, ки чун ҳамагон мекўшанд дар смартфонҳо калкулятсия кунанд, муаллим ба ин чизи нодир эътибор намедиҳад.
Агар ба дили шумо ягон аз гаҷетҳои солҳои 90-ум наздик бошад, албатта дар шарҳҳои худ дар ин бора нависед. Аз девайсҳои бачагиву ҷавонии худ дигаронро низ хабардор созед. Агар шумо дар бораи ягон аз ин таҷҳизотҳо нашунида бошед, пас табрик, шумо ҳанўз кўдакед!
Нет комментариев