Солиев Олимҷон Алиҷонович, 24 октябри соли 1967 дар шаҳри Душанбе, дар оилаи санъаткор таваллуд шудааст, маълумот-олӣ, хатмкунандаи Факултаи санъати Донишгоҳи Давлатии Хуҷанд.
Лауреати Озмуни сарояндагони эстрада «Офарин – 96» дар шаҳри Тошканд, барандаи Ҷоизаи Гран-При дар Озмуни «Суруди сол – 2000» дар вилояти Суғд, Лауреати Озмуни сарояндагони шашмақом «Навои Борбад – 2003», Лауреати Фестивали мусиқии фолклорӣ дар шаҳри Наннини Ҷумҳурии Халқии Хитой (с.2008), Лауреати Фестивали «Тобистони Берлин — 2010» дар Ҷумҳурии Федеративии Олмон.
Ҳоло дар Муассисаи давлатии сафарию ҳунарии «Базморо» дар вазифаи саррежиссёр кор карда, фаъолияти эҷодии худро ба ҳайси сароянда давом дода истодааст.
— Фаъолияти эҷодии худро кай оғоз кардаед?
Олимҷон Солиев: Фаъолияти эҷодии худро дар шаҳри Хуҷанд ҳамчун сарояндаи сурудҳои эстрадӣ оғоз намудаам. Дар ансамблҳои шашмақомхонони «Нури Хучанд» ба ҳайси овозхон, дар Театри давлатии драмаи русии ш.Чкалов ба ҳайси директор, дар Вазорати фарҳанги Ҷумҳурии Тоҷикистон ба ҳайси сармутахассиси Раёсати санъат, дар Театри давлатии опера ва билети ба номи С.Айнӣ ба ҳайси муовини директор, фаъолият намуда, ҳоло дар Муассисаи давлатии сафарию ҳунарии «Базморо» дар вазифаи саррежиссёр кор мекунам. Дар давраи фаъолияти эҷодиям дар давлатҳои Фаронса, Бельгия, Голландия, Германия, Польша, Чехия, Қатар, Оман, ОАЭ ва ғайра сафари ҳунарӣ кардаам. Охири моҳи март ба сафар ба Кувейт тайёрӣ дида, тобистони соли 2015 ба Қрим, Олмон ва Фаронса сафари ҳунариро ба нақша гирифтаам.
-Шавқу ҳаваси Шумо?
Шоҳмотбозӣ, тенниси сари мизӣ, пухтупази таомҳои миллӣ.
-Кадом хислатҳои одамиро мепарастед?
Дӯстӣ, вафодорӣ, баландҳимматӣ.
-Шогирд тарбия кардаед?
Дар шаҳри Душанбе мактаби шахсии мусиқии бачагона ба номи Алиҷон Солиевро барои бачаҳои болаёқат ташкил намудаам, ки дар он зиёда аз 40 нафар таҳсил мекунанд. Шогирдонам бародарам Алишер Солиев ва Миҷгона Иброҳимова.
—Муносибати Шумо ба хониш ва навозиши «зинда».
Ҳамавақт тарафдорӣ сароидан ва навозиши зинда ҳастам ва кӯшиш мекунам, ки дар баромадҳои худ ба тариқи «зинда» суруд сароям ва ба дигарҳо ҳам инро пешниҳод мекардам.
—Кадом санъаткори шинохта ва гурӯҳи касбиро мепарастед?
Алиҷон Солиев, Барно Исоқова, Далер Назаров ва ғайра.
—Равияи мусиқавии Шумо?
Эстрадӣ, шашмақом, фолклорӣ ва омезиши ин равияҳо.
—Агар миллион доллар медоштед ба куҷо ва ё ба кадом кор сарфа мекардед?
Агар миллион доллар медоштам барои дастгирии ҷавонони болаёқати тоҷик сарфа менамудам.
Ҳолати хандовар, аҷоиб ва хотирмон, кӣ дар фаъолияти эҷодии Шумо рӯй дода буд:
—баромад дар барномаи консерти дар кишвари Қатар. Пеш аз сафар дасти ростам шикаста буд ва ман пеш аз сафар худсарона дастамро аз гипс кушодам ва то ба шаҳри Доха расидан сахт варам кард. Дар вақти баромад кардан духтаракон – раққосаҳо аз ансамбли «Лола» дасти ҷомаи зариро бо 20 сӯзантугма ба ҷомаам пайваст карданд. Баромад тариқи «зинда» буд, бинобар ин эҳсосот ҳам ханда ҳам дарди сахт бисёр хотирмон буд. Ин баромадамро дӯстонам дар Ютуб гузоштаанд….
Сӯҳбаткунанда –муҳаррири медиапортал Алихонзода М.
Сабтҳои Олим Солиев:
Нет комментариев