Диловар Сафаров 24 ноябри соли 1986 дар ноҳияи Мастчоҳ таваллуд шуда, то синни 18 солагӣ дар ноҳия, баъд дар шаҳри Хуҷанд ва берун аз он зиндагӣ кардааст. Худро ҳамчун коргардон, навозанда, ровӣ, оҳангсоз, ҳофиз ва актёр муаррифӣ менамояд. Орзу дорад, ки синамои тоҷикро байни дигар давлатҳо муаррифӣ намояд. Ғурури машҳур шуданро мепарастад. Шукрона, имрӯз барои ӯ ҳаёт ҳамаи шароитҳоро муҳайё намудааст. Фақат вақт, ба натиҷаи ҳаракатҳои эшон баҳогузорӣ менамояд. Ба ӯ барорро хоҳонем.
— Фаъолияти эҷодии худро кай оғоз кардаед?
Диловар Сафаров: Аз даври мактаби ҳамчун ҳофиз байни мардум шиносои пайдо намудам. Баъд аз сарояндагӣ хостам каме дар равияи ровии радио ва ТВ фаъолияти худро ба роҳ монам. Аз ин лиҳоз, дар радиоҳои Авис +, Тироз, Тирози ҷавонӣ, радиои Замон, Азия+, тв-Диёр кору фаъолият намудаам. Сипас, ҳамаи инҳоро тарк намуда, қадами аввалини худро ба синамо гузоштам. Аайни ҳол сардори «Dfilm-company» ҳастам, дар як вақт се филмро омода карда истодаам.
-Шавқу ҳаваси Шумо ба ғайр аз санъаткорӣ?
Диловар Сафаров: Бисёр варзишро дӯст медорам, хусусан бо ММА- муҳорибаи омехта машғул мешавам.
-Кадом хислатҳои инсониро мепарастед?
Диловар Сафаров: Рӯирост гапзаданро меписандам, инчунин хоксориро мепазирам.
-Шогирд тарбия кардаед?
Диловар Сафаров: Худам ҳоло шогирд ҳастам
-Муносибати Шумо ба хониш ва навозиши «зинда».
Диловар Сафаров: 100% тарафдори хониши зинда ва навозиши зинда ҳастам.
-Кадом санъаткори шинохта ва гурӯҳи касбиро мепарастед?
Диловар Сафаров: Сами Юсуф, ки сурудҳояш саросар тарбиявию ахлоқист ва мусиқиҳояш таскинкунандаи дилҳост.
-Равияи мусиқавии Шумо?
Диловар Сафаров: Нашида, классика.
-Агар миллион доллар медоштед ба куҷо ва ё ба кадом кор сарфа мекардед?
Диловар Сафаров: Мактаб мекушодам, кадрҳои баландихтисосро дар ҳар гуна соҳа албатта тарбия мекардаму, умуман ҳамаашро дар ҷодаи омӯзиш сарф мекардам.
Ҳолати хандовар, аҷоиб ва хотирмон, кӣ дар фаъолияти эҷодии Шумо рӯй дода буд:
Диловар Сафаров: Лаҳзахои хандовару аҷиб гузашта бошад ҳам ба ёд надорам, ман хеле ҷиддӣ ҳастам ва ханда хеле кам мекунам.
Нақшаи соли 2015, инчунин дар оянда чӣ нақшаҳоеро мехоҳед амалӣ намоед?
Диловар Сафаров: Нақшаҳои хеле бисёр дорам. Ҳамаашро вақт нишон медиҳад.
Промо аз эъҷодиёти Диловар:
Dilovar from Portal Tiroz on Vimeo.
Нет комментариев