Бо мақсади рушди ҳамкориҳои иқтисодиву тиҷоратӣ, баланд бардоштани нерӯи содиротӣ ва ҷалби сармоягузориву воридоти технологияҳои муосир рӯзҳои 21 -22 июни соли равон дар маркази вилояти Суғд — шаҳри Хуҷанд Ярмаркаи VI байналмилалии савдо «Суғд-2019» баргузор мегардад. Дар ин бора қарори Раиси вилояти Суғд аз 7 марти соли 2019, №100 ба тасвиб расид.
Ярмаркаи VI байналмилалии савдо «Суғд-2019» ва дигар чорабиниҳои вобаста ба он, аз ҷумла форуми тиҷоратию сармоягузорӣ ва озмуни вилоятии «Маҳсулоти беҳтарин» дар Муассисаи давлатии «Қасри варзиш»-и маркази вилоят гузаронида мешавад.
Тибқи қарори зикршуда ҳайати кумитаи тадорукот тасдиқ гардида, масъулини воҳидҳои сохтории мақомоти иҷроияи ҳокимияти давлатии вилоят ва ташкилоту идораҳо барои дар сатҳи баланд гузаронидани ярмарка вазифадор гардидаанд.
Манабъ: Хадамоти матбуоти Раиси вилояти Суғд
Нет комментариев