Намояндаи тиҷоратии ИМА тафсири навбатиро, бо номи «рӯйхати 301″ баровард. Ба ин ҳуҷҷат захираҳои бузургтарини ҷаҳонӣ, ки ҳуқуқи муаллифиро вайрон мекунанд, дароварда мешаванд, менависад рӯзномаи “Ведомости”.
Ба рӯйхати вайронкунандагони ҳуқуқи муаллиф, такроран торрент-трекери Rutracker.org, ҳамчунин шабакаи иҷтимоии “ВКонтакте”, дохил шудаанд, ин дар ҳолест, ки шабакаи иҷтимоии «Одноклассники» ба рӯйхати навбатии нашрия дохил карда нашудааст, ҳарчанд қаблан якчанд маротиба ба он дохил мешуд.
Дар ҳуҷҷат қайд карда шудааст, ки «ВКонтакте» сарфи назар аз он, ки намояндагони шабакаи иҷтимоӣ дар бораи кӯшишҳои худ дар роҳи мубориза бар зидди роҳзанӣ хабар дода буданд, лек ҳамоно вайрон кардани ҳуқуқи моликияти зеҳниро идома додааст. Бинобар ақидаи мурратибони рӯйхат, ширкатҳо бояд ин муборизаро тақвият бахшанд, то ки беҳтаркунӣ ошкор гардад.
Бино ба иттилои муовини директори Mail.ru Group Дмитрий Сергеев, ширкат хушнуд аст, ки талошҳои ӯ оид ба қонунигардонии маводи «ВКонтакте», аз назари дигарон пӯшида намондааст.
«Бале, дар ҳуҷҷати намояндагони тиҷоратӣ «нокифоягӣ»- муқаррар карда шудааст, аммо динамика низ ишора гардидааст. Ҷоизи қайд аст, ки USTR майдони зиёди мусиқиро дар «ВКонтакте», ҳоло сухан дар бораи видео нарафта, ба эътибор нагирифтааст. Ба ҷои ин кор ӯ бештар ба хориҷ кардани мундариҷа даст задааст “- иброз намудааст Сергеев.
Ба рӯйхат ҳамчунин торрент-трекери Rutracker.org , ки ҷои 17-умро дар рӯйхати сомонаҳои машҳуртарини Руссия ишғол мекунад ва трекер Rapidgator.net. дароварда шудаанд. Тавре ки дар ҳуҷҷат қайд карда мешавад, маъмурони ин сайтҳо ба роҳзанӣ мусоидат намудаанд.
Ёдовар мешавем, ки моҳи феврал, Иттиҳоди байналмилалии моликияти зеҳнӣ (IIPA) ба Намояндагии тиҷоратии ИМА, аз нав ворид намудани Руссияро ба рӯйхати кишварҳое, ки дар он фаъолона ҳуқуқи моликияти зеҳнӣ вайрон карда мешавад, тавсия дода буд.
Дар пешниҳод қайд карда шуда буд, ки Руссия ба Созмони ҷаҳонии савдо ҳамроҳ шуда, вазифадор карда шуд, то ҳуқуқи муаллифон ва соҳибҳуқуқонро ҳимоя намояд, зеро онлайн-роҳзанӣ, яке аз проблемаи ҷиддӣ боқӣ мемонад. Ҳамчунин дорандагони ҳуқуқ тавсия намуданд, ки дар баробари ба «рӯйхати 301» даровардани «ВКонтакте» , шабакаи иҷтимоии «Одноклассники» низ ба рӯйхати мазкур ҷой дода шавад.
Нашрия қайд мекунад, ки саҳмдорони «ВКонтакте» дар айни замон, бо бозигарони асосии мусиқии ғарбӣ оид ба қонунигардонии ҳамаи мусиқӣ дар шабакаи иҷтимоӣ музокироти фаъол бурда истодаанд. Вале то ҳол, тибқи маълумоти сарчашмаҳо дар бозори мусиқӣ, ин музокирот бо мушкилӣ ҷараён гирифта истодааст, чунки тарафҳо нисбати арзиши шартномаҳо изҳори нигаронӣ доранд. Бо вуҷуди ин, онҳо бояд то 1 май ба созиш оянд, зеро ки Русия қонун дар бораи роҳзаниро роҳандозӣ намуда, маҳкам намудани сомонаҳоро бо мусиқии дуздӣ, софт ва китобҳо, иҷозат медиҳад.
Сарчашма: matrix-tv.tj
Нет комментариев