Хонандагони азиз, мо дар бахши «Сайри диёр» ин навбат ба пойтахт — шаҳри Душанбе сафар кардем. “Корвони шодиёнаи Наврӯзӣ» дар он ҷо бо шукӯҳу шаҳомати хоса таҷлил шуд.
Эмомалӣ Раҳмон ва Раиси шаҳри Душанбе Рустами Эмомалӣ дар майдони “Дӯстӣ”-и шаҳри Душанбе бахшида ба Иди байналмилалии Наврӯз “Корвони шодиёнаи наврӯзӣ” дар сатҳи баланд баргузор гардид.
Эмомали Раҳмон, раисҷумҳури Тоҷикистон қабл аз оғози барномаи фарҳангии бошукӯҳи наврӯзӣ суханронӣ карда, кулли иштирокчиён ва мардуми шарафманди Тоҷикистонро бо ҷашни Наврӯзи байналмилалӣ табрик намуданд.
Пас аз суханронии табрикии Эмомалӣ Раҳмон, раисҷумҳури Тоҷикистон барномаи идона “Корвони шодиёнаи Наврӯзӣ» оғоз гардид.
Дар “Корвони шодиёнаи наврӯзӣ” дар маҷмӯъ зиёда аз 24 ҳазор нафар иштирок карда, тавонистанд бо ташкили бахшҳои мухталиф ҳамаи анъанаҳои ҷашни бостонии миллати куҳантамаддуни тоҷикро намоиш диҳанд.
“Корвони шодиёнаи наврӯзӣ” дар маҷмӯъ аз 13 бахши мухталифи фарҳангию фароғатӣ, аз ҷумла “Рамзи наврӯзӣ”, “Паёмоварони баҳор”, “Омадани баҳор”, “Маросими гулгардонӣ”, “Маросими суманакпазӣ”, “Маросими ҷуфтбаророн”, “Модар — рамзи абадият”, “Сайри об” ва ғайра иборат буд, ки ҳар яке дорои маънои хос ва таҷассумкунандаи рамзҳои ҷашни Наврӯзи байналмилалӣ мебошад.
Бояд таъкид намуд, ки “Корвони шодиёнаи наврӯзӣ” дар пойтахти мамлакат- шаҳри Душанбе бори нахуст ташкил карда шуда, дар доираи он ширинкорон ва дорбозон бо пешниҳоди намоишҳои ҷолиб хотири иштирокдоронро болида гардониданд.
Дар тантанаҳои идонаи Наврӯзи байналмилалӣ дар шаҳри Душанбе меҳмонони хориҷӣ иштирок карда, ин чорабинии бошукӯҳро тамошо намуданд.
Нет комментариев