Ҳафтаи гузашта дар вилояти Хатлон семинари дурӯзаи омӯзишӣ доир ба баланд бардоштани малакаи касбӣ оид ба масъалаҳои муқовимат ба савдои одамон дар чорчӯбаи Қонуни ҶТ “Дар бораи муқовимат ба савдои одамон ва расонидани кӯмак ба қурбониёни савдои одамон” аз 26 июли соли 2014 баргузор гардид, ки дар он кормандони Раёсати Агентии назорати маводи нашъаовар ва Шуъбаи минтақавии мубориза бар зидди ҷиноятҳои муташаккили РВКД вилояти Хатлон иштирок намуданд.
Семинар дар доираи лоиҳаи Барномаи намояндагии Созмони байналмилалии муҳоҷират дар Тоҷикистон бо дастгирии молиявии шуъба оид ба масъалаҳои муборизаи байналмилалӣ бо маводи нашъаовар ва тартиботи ҳуқуқӣ дар назди Сафорати ИМА дар Ҷумҳурии Тоҷикистон гузаронида шуд.
Дар семинар кормандони агентӣ ва Шуъбаи минтақавии мубориза бар зидди ҷиноятҳои муташаккил бо санадҳои байналмилалӣ-ҳуқуқӣ ва санадҳои миллӣ, ки масъалаҳои муқовимат ба савдои одамонро ба танзим медароранд, ҳамкории агентӣ бо мақомоти ваколатдор дар ин самт, инчунин бо асосҳои ҳуқуқии эътироф намудан ва додани мақоми ҳуқуқии қурбониёни савдои одамон ва бозравонии қурбониён барои расонидани кумак шинос шуданд. Дар ин бора khovar.tj хабар медиҳад.
Нет комментариев