Мехоҳед аз чинҳои худ халос шавед?, пас моро айни ҳол бо диққат гӯш кунед.
Аз давраҳои қадим бонувон бо усулҳои гуногун чинҳои рӯйи худро нест мекунониданд. Дастурҳои муфидтарине, ки то ба рӯзҳои мо омада расидаанд, маҳскашӣ, машқ ва ниқобҳои хонагӣ мебошад.
Маҳси начандон душворе вуҷуд дорад, ки Шумо онро мустиқилона иҷро намуда, пӯсти рӯятонро ҷавону ҳамвор нигоҳ дошта метавонед. Маҳсро аз пешонӣ оғоз намоед. Бо ҳаракатҳои давраии нӯги ангуштони ҳарду даст пӯсти пешониро аз байн ба ду тараф маҳс кунед. Сипас эҳтиёткорона бо болиштаки ангуштон пӯсти болою поёнии атрофи чашмро молиш диҳед. Маҳси биниро бо ангуштони ишоративу миёна аз поён ба боло анҷом диҳед. Рухсораҳоро бо панҷаҳо аз кунҷи даҳон то ба сурфаи гӯш, сипас баръакс маҳс намоед. Бо ангуштони миёнаи ҳарду даст атрофи даҳонро бо ҳаракати даврави маҳс кунеду бо пушти даст зерманаҳро занед.
Кӯшиш кунед ин машқро дар давоми рӯз чанд маротиба иҷро намоед-ин амал пайдошавии чинҷоро пешгирӣ менамояд.
Дар охир дар бораи ниқоб аз тухм ва фалларо бароятон бозгӯ месозем.
Зардии як дона тухмро бо як қошуқча равғани растанӣ ва чанд қатра шарбати лиму лат занеду ба пӯсти рӯй молида, баъди 15 дақиқа бо гиёҳоб шӯед. Ин ниқоб пӯстро нарм мекунаду чинҳоро несту ҳамвор месозад.
Як қошуқ фалла,2 қошуқ қаймоқ ва каме намакро омехта, ба пӯсти рӯй моледу баъди 20 дақиқа бо шири гарм шӯед. Ин ниқоб барои пешгирӣ намудани чинҳо муфид аст.
Ҳамеша ҷавону зебо бошед!
Зарнигори Рустам
Нет комментариев