200 сол инҷониб ҳасибчаҳое, ки мо имрӯз онҳоро истеъмол мекунем, кашф шудаанд. Тибқи маълумотҳо хасибчаро қассоб ва гӯштфурӯши олмонӣ Иоганн Ланер кашф намудааст. Дар Иттиҳоди Шӯравӣ ҳасибча соли 1936, баъди аз ҷониби комиссари халқи Анастас Микоян ба имзо расидани фармон оид ба истеҳсоли намудҳои нави маҳсулоти гӯштӣ пайдо шуд. Худи ҳамон сол дар Москав, Санкт-Петербург, Свердловск ва як қатор шаҳрҳои дигар зиёда аз 20 комбинати гӯшт бунёд гардида бо таҷҳизотҳои замонавӣ муҷаҷҷаз гардид ва ба истеҳсоли ҳасибча оғоз намуд. Ҳасибчаҳо аз ҳамдигар на танҳо аз рӯи ҳаҷмашон, балки аз рӯи рангашон низ тафовут доранд. Агар ҳасибча гулобӣ бошад, ин аз он шаҳодат медиҳад, ки дар вай бештар моддаи рангкунанда ҷой дода шудааст. Ҳасибчаҳо бояд чандир бошанд ва баъди фишор додан шакли худро барқарор карда тавонанд. Дар ҳасибча набояд доғҳои равғандор мавҷуд бошад. Агар ҳасибча аз ҷилди сунъӣ иборат бошад, он бояд суфта бошад. Дар намуди яхкардашуда ҳасибча танҳо дар муддати як моҳ сифати худро нигоҳ дошта метавонаду халос. Маҳсулот на танҳо бояд ба дастурамал мутобиқ карда шуда бошад, балки ба номаш низ бояд мувофиқат кунад. Ба ғайр аз гӯшти гов, таркиби ҳасибча бояд аз қаламфури сиёҳ ва ё сафед, сирпиёз, қаламфури сурх, намак ва шакар иборат бошад. Ҳамчунин натрий, ки ҳасибчаро иштиҳоовар месозад, дар таркиби хасибча бояд вуҷуд дошта бошад. Ҳасибчаҳо низ монанди дигар намудҳои маҳсулот дар таркиби ҷилдҳои гуногун ҷой дода шудаанд. Лазизтарин ҳасибча дар дохили ҷилди табиӣ ниҳон аст. Агар Шумо чунин ҳасибчаро харидани бошед, ҳатман ба мӯҳлати нигоҳдошти он аҳамият диҳед. Одатан ин навъ ҳасибча дар ҳарорати аз сифр то 6 дараҷа гармӣ танҳо дар муддати се шабонарӯз сифати худро нигоҳ дошта метавонад. Агар ҳасибчаи қуттиаш вакумиро харидорӣ намоед, шумо метавонед онро дар яхдон то 20 шабонарӯз нигоҳ доред. Агар мӯҳлати нигоҳдошти он аз 20 шабонарӯз зиёд нишон дода шуда бошад, бодиққат бошед, зеро он аллакай ба гурӯҳи консервантҳо дохил мешавад. Тибқи стандарти давлатӣ бояд 77 фисади ҳасибчаро гӯшти гови навъи аввал, 3 фисади онро шир ташкил диҳад. Маҳсулотҳои иловагие, ки ба ҳасибча ҳамроҳ мекунад, бояд аз маҳсулотҳои безарар ба монади шир, орд ва крахмал иборат бошанд.
Имсол аз Конибодом ба хориҷи мамлакат 420 тонна зардолу содирот гардид
Боғпарварони шаҳри Конибодом имсол ҳосили хуб рӯёнида, то имрӯз ба хориҷи мамлакат 420 тонна зардолу содирот намуданд. Онҳо тасмим гирифтаанд, ки фурӯши меваи зардолуро ба ...
Нет комментариев