Наврӯзгоҳи Хуҷанд ба идгоҳи бузургу боҳашамат пур аз кӯдакону наврасони зебояк, ки ҳар яке шоду хурсанд аз ин рӯзи хотирмону нотакрор буданд, табдил ёфт. Дар ҳақиқат чорабинии бошукӯҳе, ки имрӯз дар Наврӯзгох бахшида ба Рӯзи кудакон гузаронида шуд, хело ҷолиб ва дар сатҳи оли гузаронида шуд. Аз чеҳраи ҳар яки кӯдак аён буд, ки онҳо имрӯз хушбахтанд.
Дар қатори ин кӯдакон Назарзода Шайма ки тарбиятгирандаи кӯдакистони №15 шаҳри Хуҷанд аст мерақсиду мебозид. Шаймаи 6 сола ҳунари волои нақшофари дорад. Шайма худ ғолиби озмуни шаҳрии «Донояк» аст, ки бо қироати шеъру, нақшофари ва рақси зебояш сазовори ҷойи сеюм гардида буд… Имрӯз вай дар ин идгоҳ нақши рӯбоҳакро мебозид Аз ин нақшофарии Шайма намояндагони Ҳокимияти вилояту шаҳр аз чумла муовини Раиси вилояти Суғд Назира Гаффори ва Раиси шахри Хучанд Маъруф Мухаммадзода ба ваҷҳ омада барояш лӯхтаки зебое тӯҳфа намуданд. Дар қатори Шайма кули кӯдакони баромадкунанда соҳиби лӯхтак ва бозичаҳои зебо гаштанд. Наврӯзгоҳ бо гулу бозичаҳо ва хаймаҳои зебо ба як дунёи зебои кӯдакона ки танҳо хурсандиву фараҳ аст, монанд буд. Дар як тараф беҳтарин ихтироъкорону беҳтарин хонандагони мактабҳо ҳунару истеъдодҳои худро нишон медоданд.
Ҳангоми боздид аз ин хаймаҳо мушоҳида намудем, ки дар қатори ихтироъкорони ҷавон хурдсолтарин ихтироъчи иштирок мекард. Саидов Хайрулло хонандаи синфи 5-уми гимназияи №1 шаҳри Истаравшан мебошад. Новобаста аз хурдсолиаш вай аллакай дар якчанд озмунҳои вилояти ва ҳам ҷумхурияви иштирок карда ҷойхои намоёнро сазовор гаштааст. Чизҳои ихтироъкардаи Хайрулло дучархахои механикиву киштиҳои кайҳони мебошад. Ин нафарон танҳо шумораи ками кӯдакони нодиру боистеъдои вилоят ҳастанд, ки имрӯз иштирок доштанд.
Хонандагони мактабҳои миёна хаймаҳо зеро унвони «Мо мухофизаткунандагони табиат» ороста буданд, ки дар он чо сангпушту мор, товус, уқоб ва дигар паррандаву ҷонвароне, ки нодир ҳастанд гузошта буданд. Бо бовари гуфта метавонем, ки ин идгоҳ на танҳо барои кӯдакон, балки барои калонсолон низ хурсанди мебахшид. Зеро волидайни кӯдакон аз хурсандии онҳо мамнун буданд.
Дар як тарафи Наврӯзгоҳ саҳнаи зебое ороста буд, ки дар он ҷо кӯдакон рақсу бози ва ҳунарнамои мекарданд.
Мавзуна Мирзоева
Нет комментариев