Ассалому алайкум дустони азиз, бигзор бо табъи хушу чеҳраи хандон боз як рӯзро сипарӣ намоеду, ҳамеша манзилатон обод, табъатон шод, дилатон нарм бошад. Имрӯз барои шумо чанд маслиҳатҳои тозае оид ба губка (пойафзолтозакунак) барои тозакунии пойафзол пешниҳод карданӣ ҳастем.
Пойафзол таърихи ҳазорсола дорад. Ба гуфти олимон аввалин пойафзолҳо аз пойтоба ба пӯсти хирс монанд буданд ва дар даруни он алафи хушк мегузоштанд. Тоза нигоҳ доштани ин хел пойафзолҳо бениҳоят душвор буд.
Дар асри 13 дар Фаронса «Гуталин», ё ин ки «Вакса», барои тозакунии пойафзол ихтироъ карда шуда буд. Ин ашёро бо тариқи махсус тайёр мекарданд: зардии тухми мурғро бо сиёҳии дег лат зада кафк мекунонданд ва бо сирко ё пиво ҳал мекарданд.
Танҳо, дар асри 20 саноати кимиёвӣ ашёи тозакунии муосири пойафзолро ба харидорон пешкаш намуд. Дар бозору мағозаҳо губкаҳоро, (пойафзолтозакунак) барои тозакунии пойафзол бо тамғаҳои ширкатҳои гуногун ба монанди SITIL, SALTON, SILVER ба фурӯш бароварда шуданд.
Дар вақти харидори намудани губка барои тозакунии пойафзол ба чанд маслихатҳои муфид диққат диҳед. Аввал ба хотир доред, ки ашёи ба стандарт мутобиқ на зиёда аз 50 маротиба кор фармуда мешавад.
Ба таркиби баъзе губкахо глитсирин медарояд, ки беҳтар аст аз харидани ин ашё худдорӣ кунед. Зеро глитсирин дар ҳолати намӣ тез об мешавад ва пойафзол аз намӣ эмин нест.
Губкаҳое, ки дар таркибашон равғани силиконӣ доранд, боэътимод буда, муддати дароз кор меоянд.
Ба хотир доред, ки баъди истифодаи пойафзол онро хушк кардан лозим, баъдан бояд губкаро истифода бурдан бамаврид аст.
Ин буд чанд маслиҳати мо оид ба истифодаи губка барои тозакунии пойафзол
Нет комментариев