Дар аввали соли ҷорӣ мутахассисони IBM норасогии ҷиддиро, ки тӯли чандин солҳо дар системаи оператсионии Windows вуҷуд дошт, ошкор намуданд. Аммо набояд аз ин ғамгин шуд, зеро ширкати Microsoft ин камбудиро аллакай ислоҳ намудааст. Ба ин нигоҳ накарда, каме дар ин бора маълумот медиҳем.
Тавре манбаи TheVerge иттилоъ медиҳад, хатогии мазкур тӯли 19 сол дар ҳамаи системаҳои оператсионии Microsoft, аз ҷумла дар Windows 95 дида мешуд. Дар ин сурат, мутахассисон оид ба бехатаргардонӣ, онро ба 9,3 балл аз 10 ҳиссаи ҷадвали Common Vulnerability Scoring System (CVSS) баробар карданд.
Камбудии мазкур ба ҷинояткорон имконият дод, ки пинҳонӣ рамзҳои зарароварро ворид созанд. Онҳо ба истифодабарандагон таклиф менамуданд, ки бо воситаи браузери Internet Explorer ба саҳифаи зарурӣ дохил шаванд. Аммо, хушбахтона ширкати IBM, хатогии мазкурро ошкор намуда, аз ин воқеа Microsoft-ро хабардор намуд. Барои рафъи ин камбудӣ мутахассисон чораҳои мушаххас андешиданд.
“Ин хатогӣ тӯли солҳои зиёд, бо вуҷуди ворид кардани дигаргуниҳои зиёд ба маҳзан (библиотека), ки хатогӣ дар он ҷо қарор гирифта буд, ба назар мерасид”-иброз намуд муҳаққиқи IBM, Роберт Фриман.
Дар айни замон ширкати Microsoft аллакай “дарбеҳ” (заплатка)-ҳоро, барои системаҳои оператсионии Windows Vista, Windows 7, Windows 8.1 баровардааст. То кунун дар бораи он ки оё Windows XP азнавбарқароркуниҳои худро қабул мекарда бошад, маълумоте вуҷуд надорад. Зеро ширкати Microsoft дар замони начандон дур, дастгирии системаи оператсионии мазкурро қатъ намудааст.
Сарчашма : matrix-tv.tj
Нет комментариев