Корҳои бунёдкорӣ ва ободонӣ яке аз рисолатҳои ниёгонамон маҳсуб ёфта, дар ин самт дар шаҳри Хуҷанд бо сафарбаркунии тамоми имкониятҳову захираҳо чораҳои судманд андешида шуда истодааст.
Дар шаш моҳи соли ҷорӣ ҳаҷми маблағгузории асосии ин давра аз ҳисоби ҳамаи сарчашмаҳои молиявӣ 133,4 миллион сомониро ташкил дода, ба маблағи 100,7 миллион сомонӣ корҳои сохтмонию васлкунӣ ба анҷом расонида шуданд, ки он нисбат ба ҳамин давраи соли сипаригашта мутаносибан 40,1 фисад афзоиш ёфтааст.
Илова бар ин, корхонаҳои пудратӣ ҳаҷми корҳои ба сомон расонидашударо дар қиёс ба соли сипаригашта 9,8 фоиз зиёд намуда, ҳаҷми он ба 97,0 млн. сомонӣ расидааст.
Бо мақсади такмили инфрасохтори минтақаҳои шаҳр дар асоси лоиҳаи банақшагирии дақиқ ва муфассали сохтмони шаҳр дар ин муддат 11 иншооти маданию маишӣ, истиқоматию коммуналӣ ва саноатӣ бо арзиши 46,0 млн. сомонӣ сохта расман ба истифода дода шуд.
Манбаъ: Дафтари матбуоти Раиси шаҳри Хуҷанд
Нет комментариев