Тамоми истифодабарандагони сомонаҳои интернет муаллимаи 26-сола Цао Майро аз шаҳраки чинии Аншун аз ҳама зани хушбахтарин дар дунё меҳисобанд. Гап дар сари он аст, ки шавҳараш Ин Юнфенг қабл аз ба хизмати корӣ баргаштанаш ба қисми низомии Тибет ба завҷааш барои 12 моҳ хӯрок тайёр карда мондааст. Сипас маълум шуд, ки ӯ ҳамсари худ Ин Юнфенгро дар давоми як сол ҳамагӣ танҳо як маротиба медидаасту халос. Ҳангоми бозгашти охирин ба хона ӯ мебинад, ки завҷааш чӣ қадар бо корҳои зиёд андармон аст. Барои хӯрок пухтан бошад, ҳамсараш Цао Май вақт намеёфт.
Ин метарсид, ки завҷааш Цао доим танҳо аз хӯроки тез омодашавандаи угро истеъмол накунад. Аз ин рӯ ӯ қарор дод, ки дили завҷаашро бо тайёр кардани хӯроки хонагӣ хурсанд гардонад. Ин Юнфенг ҳамчун ҳамсари ғамхору меҳрубон хӯроки зиёде омода карда, онро дар ҳиссаҳои хурд – хӯр дар селофанҳо ҷойгир карда, онҳоро дар сардкунаки яхдонҳои хешу табор ва ҳамсояҳояш мегузорад. Барои пухтани хӯроки як сола тайёр. Ин як ҳафта вақти охирини рухсатии меҳнатиашро сарф кардааст. Дар натиҷа ӯ 1000 дона тушбера, боз қариб 70 намуди хӯрокҳои дигар ва 100 литр шӯрбои дӯстдоштаи ҳамсараш Цао Майро тайёр кардааст.
Цао Май гуфтааст: «Ман ба ҳамин тарзи ҳаёт тайёр будам, ки ӯ гоҳ – гоҳ дар хона мешавад, аммо умедвор набудам, ки ҷудоӣ ин қадар душвор мешавад. Новобаста аз мушкилиҳо ман ғамхорӣ карданро ба шавҳарам ва оилаи худ давом медиҳам. Он хӯроке, ки шавҳари меҳрубонам барои ман тайёр кардааст, ба як соли пурра бароям мерасад ва вақте, ки ман дар бораи чӣ қадар зиёд маро дӯст доштани шавҳарам фикр мекунам, дилам шод мешавад», мегӯяд Цао.
Ба ғайр аз он Ин дар намуди сюрприз ба завҷааш боз дигар шириниҳои зиёд харида, дар ҳар кунҷу канори хона пинҳон кардааст.
Ҳар рӯз Кау бо ишораи ба ҳамсараш нома мефиристад, ки дар яке аз онҳо чунин навишта шудааст: «Имрӯз ту хело хуб кор кардӣ ва дар намуди мукофот туро дар зери рахти хоб (диван) як бонкача мавиз интизор аст».
Бояд бигӯем, ки Цао аллакай чипсиҳои картошкагӣ, офтобпараст ва гӯшти пухтаи гови моҳирона пинҳонкардаи дарёфт кардааст.
«Умедворам, ки то тамом шудани хӯрокҳои барои завҷаам тайёр карда, аллакай дар хона мешавам», — навиштааст Ин дар паёмаки асосии худ. Мо бовар дорам, ки муҳаббати ҳақиқӣ маҳз ҳамин гуна мешавад.
Нет комментариев