Дар нимсолаи аввали соли 2019 қисми даромади буҷети маҳаллии шаҳри Хуҷанд ба маблағи 86296,0 ҳазор сомонӣ ба нақша гирифта шуда, иҷроиши нақша амалан 91808,5 ҳазор сомонӣ ва ё 106,4 фоиз таъмин гардид, ки ин нисбати нақша ба маблағи 5512,5 ҳазор сомонӣ зиёд мебошад. Афзоиши даромадҳои андозӣ ва ғайриандозии буҷети маҳаллӣ нисбат ба ҳамин давраи соли сипаришуда ба 18078,0 ҳазор сомонӣ зиёд ва ё 124,5 фоизро ташкил намуд.
Дар ин давра ҳамаи 10 намуди сарчашмаҳои даромадҳои андозии ба нақша гирифташудаи маҳаллӣ бо барзиёд таъмин гардид.
Дар ин марҳила даромади умумии буҷети шаҳри Хуҷанд 192786,0 ҳазор сомонӣ ба нақша гирифта шуда, иҷроиши амалии он ба маблағи 198599,7 ҳазор сомонӣ таъмин гардид, ки ин нисбати нақша 5813,7 ҳазор сомонӣ зиёд мебошад ва ё 103,0 фоизро ташкил медиҳад. Афзоиши даромадҳои андозӣ ва ғайриандозии буҷети умумӣ нисбат ба ҳамин давраи соли ҷорӣ 14811,2 ҳазор сомонӣ зиёд мебошад, ки ин 108,1 фоизро ташкил медиҳад.
Бояд қайд намуд, ки дар ин давра барои рушди соҳаҳои иҷтимоӣ бахусус маориф, тандурустӣ, фарҳанг ва ҳифзи иҷтимоии аҳолӣ 72484,2 ҳазор сомонӣ ва ё 74,8 фоизи маблағҳои харҷгардидаи буҷетӣ равона карда шуда, барои таъмини кормандони муассисаҳои буҷетии аз ҳисоби буҷети маҳаллӣ маблағгузоришаванда, ба истиснои соҳаи хоҷагии манзилию коммуналӣ, ба маблағи 54633,8 ҳазор сомонӣ музди меҳнат якҷоя бо андози иҷтимоӣ пардохт карда шуд, ки ин 56,4 фоизи хароҷоти умумии буҷети маҳаллиро ташкил намуда аз ин ҳисоб қарздориҳо ҷой надорад.
Қайд кардан ба маврид аст, ки барзиёд таъмин шудани нишондиҳандаҳои соҳаҳои истеҳсолӣ, таъсиси 13 адад корхонаҳои истеҳсолӣ, бунёди боз 44 адад иншоотҳои нави иҷтимоию маданӣ дар соли 2019, зиёд шудани шумораи соҳибкорони инфиродӣ ва баланд шудани музди миёнаи меҳнат барои ташаккули сарчашмаҳои иловагии буҷети маҳаллӣ замина мегузорад.
Манбаъ: Дафтари матбуоти Раиси шаҳри Хуҷанд
Нет комментариев