Бевафо ёрам, карда ғам борам,
Бишнавед ошно аз дили зорам.
Ин таронаи зебо оҳанги гӯшнавоз ва бо садои ширину гуворои ҳунарманди писанди дили ҳамагон Искандар Қаландаров танинандоз аст. Дар ҳақиқат ҳам, Искандар овози форам, шуниданӣ ва марғуладор дорад. Бо садои ширину таронаҳои рангинаш шунавандаро шод месозад, илҳом мебахшад ва аз дарду ранҷи рӯзгор озод менамояд. Ин ҷавони зебо, ки дар қалбаш саропо ҳунару истеъдод аст, ҳамарӯза тариқи сурудаҳояш бинандаю шунавандаи азизи худро хушҳолӣ бахшида метавонад аз вартаи ноумедӣ ба фардои неку умедбахш равона месозад. Сурудҳои Искандар таъсирбахшу тасхиркунандаанд, саропо маънианду мӯҳтаво. Ӯ шеъри хасакиро ба риштаи оҳанг намедиҳаду намехонад, ҳамеша сухани волоро интихоб мекунад. Ин ҷавони ҳунарманд тариқи сурудаҳояш роз мегӯяд. Бале, рози дили мардуми дардманду ранҷдидаро, рози дили онҳоеро, ки дар роҳи ишқ нокоманду ноумед. Ӯ ҷавоне, ки зиндадилу хушчақчақ, хушсухану хушгуфтор аст. Чанд лаҳзае, ки Искандари ҳунарманд меҳмони мо буд, ба осонӣ дарк намудем, ки ӯ як ҷавони хоксору инсондӯст аст. Бале, ширин сухан мекунаду гарм сӯҳбат менамояд.
Даричаи ошноӣ
Искандар Қаландаров 14-феврали соли 1978 дар шаҳри Хуҷанд таваллуд шуда, овони кӯдакиашро дар ана ҳамин шаҳри зебоманзар гузаронидааст. Искандар оиладор ва соҳиби 2 фарзанд мебошад. Ӯ аз овони кӯдакияш дар ин шаҳри пур аз меҳру муҳаббат қадам мезаду худ ба худ меандешад, ки дар оянда санъаткор шаваду дар дили ҳазорон нафар ҷойгоҳи худро пайдо созад ва ин ҳам шуд он орзуҳои кӯдакӣ баъди бузург шуданаш амалӣ гашту ӯ ҳунарманд гардида ба дили ҳазорон нафар бо суруду таронаҳои дилнавозаш ҷойгоҳи хоса пайдо намуд.
Искандар қаблан Шуморо ба кошонаи радио хушомадед мегӯем.
Искандар Қаландаров: Ташаккур ман ҳам сараввал ба Шумо ва кулли мухлисону ҳаводорони радиои овозадори Ватани азизамон, «Тироз» саломи худро мерасонам.
Фаъолияти эҷодии Шумо аз кадом сол оғоз ёфт?
Искандар Қаландаров: Фаъолияти эҷодии ман шурӯъ аз соли 1999 дар гурӯҳи овозадори «Иқбол» оғоз ёфт, ки хело хубу хотирмон буд, зеро аввали солҳои фаъолияти эҷодиам ҳеҷ дар гӯшаи хаёлам намеравад.
Нахуст албоми Шумо бо чи ном пешкаши мухлисонатон гардид?
Искандар Қаландаров: Аввалин албоми ман бо номи «Туро дидам» пешкаши мухлисони азизам гаштааст.
Искандар инҷо мегуфтед, ки инсон бояд чи гуна хислатро дошта бошад ва барои худи Шумо ҳам кадом хислати инсонӣ писанд аст?
Искандар Қаландаров: Хело саволи ба маврид, инсон аз ҳама пеш бояд хоксор, ростгӯ ва покизакор бошад. Бубинед, инсонҳое ки ҳамин гуна хислатҳоро доранд чӣ гуна меҳрубону муваффақ ҳастанд. Барои ман ҳам хоксор, ростгӯ ва покизакор будани инсонҳо хело зиёд писанд аст.
Шумо ҳам мисли дигар ҳунармандон шогирд доред ва ё ин ки на?
Искандар Қаландаров: Бале шогирд дорам, (аммо инҷо аз номи шогирдонаш ҳарф назад, ки шогирдонаш ки ҳастанд).
Албатта, ҳар як ҳунарманд ва ё санъаткоре, ки рӯи саҳна меояд пайравӣ ба дигар ҳунарманд мекунад яъне ӯро барои худ идеал медонад. Шумо пайравӣ ба кадом санъаткорон мекунед?
Искандар Қаландаров: Ман ҳам вақте рӯи саҳна мебароям пайравӣ ба устодони санъат мекунам, ин ҳам бошад ба Далер Назаров, Муборакшоҳ, ва Нобовар Чаноров яъне ин ҳунармандон идеалӣ ман ҳастам.
Искандар агар Шумо миллионер мешудед, чӣ кор мекардед?
Искандар Қаландаров: Якумаш агар ман миллионер мешудам хело зиёд хушнуд ҳам мегаштам. Ва дуюмаш маблағе, ки ба даст овардам онро ба камбизоатон ятимон ва барҷомондагон медодаму мондагиашро фикр мекардам.
Дар оянда боз, чӣ нақшаҳо доред?
Искандар Қаландаров: Дар оянда нақша дорам як консерт дар «Кохи Рӯдакӣ» ва шаҳри Душанбе барпо намоям.
Таманниёти Шумо ба мухлисонатон?
Искандар Қаландаров: Барои мухлисонам таманно мекунам, ки ҳамеша хушу гуворо бошанд ва саодати зиндагӣ насибашон гардад.
Якчанд суруди тозаэҷод аз Искандар:
Нет комментариев