Қаҳва аввалин маротиба соли 1674-ум дар Шветсия пайдо шудааст. Вале қаҳва ҳамчун нӯшокӣ танҳо дар асри 18-ум маъруф гардидааст. Паҳншавии босуръати қаҳва ҳамчун нӯшокӣ шоҳи Шветсия Густава III-ро он чунон ба таҳлука оварда буд, ки ӯ ба фармонбардорону зердастони худ нӯшидани қаҳваро манъ намуд. Он нафароне, ки ба ин фармони шоҳ итоат накарда, нӯшидани қаҳваро ба дигарон низ тавсия медоданд, ҷаримаи калон дар намуди мусодираи табақи хӯрок ва пиёлаи чой таҳдид мекард.
Шведҳо мардуми матин буданд ва барои ҳамин ба фармони шоҳ ва чораҳои пешбининамудаи ӯ аҳмият надода, нӯшидани қаҳваро идома медоданд. Пас аз ин ҳол шоҳи Шветсия Густав III ба исбот кардани зараровар будани қаҳва шурӯъ намуд. Бо фармони ӯ ба ду нафар ҷавонмардони дугоник, ки ба ҳукми қатл маҳкум шуда буданд, дар онҳо то чӣ андоза зараровар будани каҳваро таҷриба гузарониданд. Аввал ҷазои ҳукми қатлро барои ин дугоникҳо ба ҳукми дигар иваз намуданд. Онҳо метавонистанд, ки тамоми ҳаётро дар зери панҷара гузаронанд бо як шарти махсусе. Минбаъд бояд яке аз дугоникҳо тамоми умри боқимондаи худро бо нӯшидани се пиёла каҳвадор давоми як рӯз мегузаронид ва дугоники дигар бошад, бо нӯшидани се пиёла чой. Аз болои саломатии ин дугоникҳо бошад, табиби махсуси даъватӣ назорат мебурд.
Дар натиҷа таҷриба нишон дод, ки ин дугоникҳо аз худи табиб ва шоҳ Густави III ҳам, ки дар натиҷаи сӯйқасд кушта шуда буд, умри дарозтар диданд. Аввал ҳамон ҷавоне аз дугоникҳо вафот кард, ки як умр ба нӯшидани се пиёла чой дар давоми рӯз маҳкум шуда буд ва ӯ он вақт 83 сола дошт.
Пас аз марги шоҳ Густав III фармони шоҳ оид ба манъ будани истемоли қаҳва боз 28 сол амал кард. Ҳоло бошад, Шветсия яке аз пешсафтаринҳо дар нӯшидани қаҳва мебошанд.
Қаҳваро ба Австрия як нафар низомии укроинитабор овардааст. Дар давлатҳои Шарқ ба мисли давлати Шветсия нӯшидани қаҳваро дар аввал манъ карда буданд. Барои он, ки арабҳо қаҳва нӯшида тавонанд, ба султони туркҳо Салими I лозим омад, ки қарори нав барорад.
Нет комментариев