Панҷумин ҳамоиши доираҳои тиҷоратии Тоҷикистону Қазоқистон 4 июни соли равон дар Душанбе баргузор мегардад. Интизор меравад, ки дар ҳамоиш роҳбарону намояндагони беш аз 30 ширкати молтавлидкунандаи Қазоқистон, ки дар бахши содироти маҳсулоти хӯрокворӣ, мошинсозӣ, металлургия, кимиё, истихроҷ ва коркарди маъданҳои куҳӣ, тандурустӣ, фармасевтӣ ва сохтмону кишоварзӣ афзалият доранд, ширкат варзанд. Палатаи савдо ва саноати Ҷумҳурии Тоҷикистон ва Агентии миллӣ оид ба содирот ва сармоягузории Қазоқистон- «KAZNEXINVEST», ки дар назди Вазорати сармоягузорӣ ва рушди Ҷумҳурии Қазоқистон фаъолият менамояд, созмондиҳандагони ин чорабинӣ маҳсуб меёбанд. Назар ба иттиллои Мукаммал Одинаева-сухангӯи Палатаи савдо ва саноати кишвар, ҳадафи ҳамоиш таҳкими ҳамкориҳои мутақобилан судманди иқтисодию тиҷоратии Тоҷикистону Қазоқистон мебошад.
Интизор меравад, ки намояндагони доираҳои тиҷоратии Қазоқистон аз корхонаҳои саноатӣ ва минтақаҳои озоди иқтисодии Тоҷикистон боздид намуда, бо ҳамкасбони тоҷики худ созишномаҳои ҳамкорӣ ба имзо расонанд. Дар ин бора агентии Ховар хабар медиҳад.
Нет комментариев