Имрӯз рушди интернет ба вуҷуд овардани таҷҳизотҳои нави зеҳниро сайқал медиҳад. Ин аст, ки қариб ҳамарӯза дастгоҳҳои “доно” аз қабили соат, автомашина ва телефон ихтироъ мешаванд.
Олимон дар баробари ин дастгоҳҳои “доно” нишастгоҳҳои хиёбониёро коркард кардаанд, ки бо нерӯи офтоб ба смартфонҳо қувва медиҳанд. Ин навъи нишастгоҳҳо Soofa ном дорад.
Нишастгоҳ дар асоси батарейҳои нерӯи офтобӣ сохта шуда, на танҳо ба смартфонҳо нерӯъ медиҳанд, балки бо ҳаргуна хизматрасониҳои интернетӣ мепайвандад. Масалан, истифодабаранда метавонад дар он нишаста ҳарорати обу ҳаворо бифаҳмад.
Нишастгоҳҳои Soofa аз ҷониби муҳандисони лабораторияи MIT Media Lab-и ширкати Changing Environments коркард шудааст, ки ин лаборатория бо истеҳсоли ҳаргуна ашёҳои инноватсионӣ машҳур аст.
Дар назар аст, рӯзҳои наздик нишастгоҳҳои нерӯдиҳанда, дар боғҳои истироҳатии Бостони иёлоти Массачусетси ИМА гузошта шаванд.
Бояд гуфт, ки аввалин бор нашастгоҳи Soofa, соли 2013 муаррифӣ шуда, мутахассисон то ҳол дар навсозии он кор карда истодаанд. То кунун ҳаҷми нишастгоҳ васеъ шудааст. Акнун дар он метавон дар як вақт ду смартфонро пайваст намуд.
Soofa нахустин ихтирои ҷиҳози хиёбонӣ ба шумор меравад, ки ин метавонанд ба таровати шаҳр, ҳусни дигаре бахшад. Айни замон ширкат тасмим дорад, дар оянда нишастгоҳҳоро бидуни сим роҳандозӣ намояд.
“Ин иқдом метавонад имкониятҳои насли нави истифодабарандагонро боз ҳам фароҳтар созад”, -гуфтааст, директори иҷроияи ширкати Changing Environments, Сандра Рихтер.
Ҳоло тибқи маълумоти расмӣ, арзиши як нишастгоҳи нерӯдиҳанда 3000 доллар аст. Ҳамчунин истеҳсолкунандагони ин ҷиҳоз, 25 сол кафолат додаанд.
Сарчашма: hi-news.ru
Нет комментариев