Ба муносибати Рӯзи модар дар Донишгоҳи давлатии ҳуқуқ, бизнес ва сиёсати Тоҷикистон чорабиниҳо идома дорад. Субҳи имрӯз бо ташаббуси раёсати донишгоҳ дар тамоми факултетҳо ба муносибати Рӯзи модар барои бонувон аксия баргузор гардида, донишҷӯёни фаъол занону бонувони донишгоҳро табрику шодбош намуданд. 
Ҷавонон дар тамоми факултетҳо дар даромадгоҳҳо аз ду тараф ба бонувон гулу туҳфаҳои раёсати донишгоҳро тақдим карда, онҳоро ба муносибати Рӯзи модар табрик намуданд.Зимни баргузории аксия таъкид гардид, ки модар рамзи офариниш, раҳму шафқат, покию назофат, ҳусну малоҳат буда, гармии қалб, фурўғи зиндагӣ, маънои ҳаёт ва ҳастии башарият ба номи ў пайванд дорад.
Модар мураббии фарзандон, чароғи хонадон, посдори забон, ҳидоятгари хислатҳои неки инсон, тарғибгари суннатҳои ниёгон ва рукни пойдори ҷаҳон мебошад. Аз ин рӯ месазад, ки зан-модарро ҳамеша эҳтиром кард, арҷ гузошт.
Рузи модар муборак бонувони азиз!
Манбаъ: www.tsulbp.tj
Нет комментариев