Тавре қаблан хабар додем, аз 11 то 14 феврал дар шаҳри Теҳрон Намоишгоҳи 18-уми байналмилалии сайёҳӣ ва саноатии Теҳрон «Tehran International Tourism and Related Industries Exhibition» баргузор мегардад.
Аз Кумитаи рушди сайёҳии назди Ҳукумати Ҷумҳурии Тоҷикистон ба АМИТ «Ховар» хабар доданд, ки дар доираи ин намоишгоҳ Раиси Кумита Ҷамшед Ҷумъахонзода бо Вазири мероси фарҳангӣ, гардишгарӣ ва саноеи дастии Ҷумҳурии Исломии Эрон Саид Ризо Солеҳи Амирӣ вохӯрӣ намуд.
Дар вохӯрӣ Ҷамшед Ҷумъахонзода аз имконоту имтиёзҳои фароҳамовардаи Ҳукумати Ҷумҳурии Тоҷикистон ёдовар шуда, дар ин замина ташкили хатсайрҳои нави сайёҳӣ ва баргузории чорабиниҳои муштаракеро, ки барои зиёд гардидани сайёҳони ҳарду давлат замина мегузоранд, муҳим ва саривақтӣ арзёбӣ намуд.
Ҳамчунин зимни вохӯрӣ имконоти сайёҳии фарҳангию таърихӣ ва табиию экологии Ҷумҳурии Тоҷикистон муаррифӣ гардид.
Манбаъ: АМИТ «Ховар»
Нет комментариев